السلام عليكم

الموضوع منقول لكن عجبني جدا جدا

وحبيت انزله وتشوفوه


حبيتك لالتزامك . . . . . . . . . . . . حبيتك لاحترامك
حبيت فيكي التواضع[/b] . . . . . . . . . . . . والعزة اللي ف كلامك
مبسوط منك لأنك[/b] . . . . . . . . . . . . إسلامك كل همك
أنا أصلي قابلت بابا[/b] . . . . . . . . . . . . واداني فكرة عنك
وسألته عن طباعك . . . . . . . . . . . . إن كانت يعني هادية
فحكالي عن سماعك[/b] . . . . . . . . . . . . لكلامه وانت راضية
وازاي بتسلي نفسك[/b] . . . . . . . . . . . . بذكرك وانت فاضيه
وحلاوة صوت تلاوتك . ... ....... . . وازاي بتكوني شادية

* * *
وسألته إن كنتي فاهمة[/b] . . . . . . . . . . . . معنى كلمة زوجين
قالي هتكونوا ورقة[/b] . . . . . . . . . . . . مطبوعة نسختين
غني كنت أو فقير . . . . . . . . . . . . ليك عند بنتي دين
سرك هيكون في بير[/b] . . . . . . . . . . . . معرفش مكانه فين
تفضل دايماً كبير . . . . . . . . . . . . في نظرها حبتين
لو جيت بفلوس كتير . . . . . . . . . . . . تطمن جت منين

* * *
هتكون دايماً معاها[/b] . . . . . . . . . . . . سيرتك هتكون هواها
والشوق اللي ف خيالك[/b] . . . . . . . . . . . . تلقاه لحظة لقاها
لو جيت زعلان ف مرة . . . . . . . . . . . . ارمي همومك ورآها
ومهما شوفت بره . . . . . . . . . . . . مش هتشوف مستواها
واطمن يابني خالص . . . . . . . . . . . . عقلها مافيهوش تفاهة
وزي ما هي بنتي . . .. . . . . . . . . . بنت حماتها وحماها

* * *
وسألته عن ولادي . . . . . . . . . . . . منك هيكونوا إيه؟
قاللي هيكونوا عادي . . . . . . . . . . . . [/b] فسألته يعني إيه؟ !
قاللي العادي إللي كان[/b] . . . . . . . . . . . . عند الناس من زمان
العادي بتاع سراقة[/b] . . . . . . . . . . . . وحذيفة بن اليمان
العادي بتاع أسامة[/b] . . . . . . . . . . . . وابن الحكيم لقمان
ده العادي بتاعنا إحنا[/b] . . . . . . . . . . . . بنربي عليه عشان
لو جينا ولا رحنا[/b] . . . . . . . . . . . . هنقابل الرحمن
عمرك ما تخاف عليهم[/b] . . . . . . . . . . . . ولادك في الأمان
أنا بنتي هتربيهم . . . . . . . . . . . . ع السنة والقرآن
هتشوف ابنك بيصحى[/b] . . . . . . . . . . . . مادام سمع الأذان
ينزل في الفجر يقرا[/b] . . . . . . . . . . . . بالسجدة والإنسان
هتشوف في حجاب بناتك[/b] . . . . . . . . . . . . العفة والإحسان
هتشوف إزاي مراتك[/b] . . . . . . . . . . . . هتعينك إنت كمان

* * *
وسألته عن حياتك[/b] . . . . . . . . . . . . من قبل الالتزام
قال أتذكر في ليلة . . . . . . . . . . . . مش فاكر أنهي عام
أذان الفجر أذن . . . . . . . . . . . . وقالت لي سيبني أنام
فدخلت الأوضه جوه . . . . . . . . . . . . أجيب منها الحزام
وعبال ما رجعت تاني . . . . . . . . . . . . كات رجعت ف الكلام
الله يجازي الشيطان[/b] . . . . . . . . . . . . خلاها تقول أنام
بس اطمن[/b] خلاص . . . . . . . . . . . . دلوقتي بقت تمام !

* * *
قلتله طيب ياعمي[/b] . . . . . . . . . . . . يسعدني أقولك إني
بطلب بنتك ونفسي[/b] . . . . . . . . . . . . تناسبني وترضى عني
راح شادد فجأة لبسي[/b] . . . . . . . . . . . . وقلب وشه وسألني

* * *
حافظ كم جزء يابني . . . . . . . . . . . . وقاري كم كتاب
احكيلي كده عن مؤتة[/b] . . . . . . . . . . . . أو غزوة الأحزاب
وسمع كم حديث . . . . . . . . . . . . في الأخذ بالأسباب
وكمان سمعلي آية . . . . . . . . . . . . ذكرت فيها الدواب
ولو شايفها صعبة . . . . . . . . . . . . قللي بتاعة الذباب
واحكيلي حلم يوسف . . . . . . . . . . . . وبراءة الذئاب
واخواته لما جولوه[/b] . . . . . . . . . . . . دخلوا من أنهي باب
واديني فكرة برضه . . . . . . . . . . . . بتقبض كم ثوابed]وناوي ازاي تحسن[/b] . . . . . . . . . . . أنا شايفك لسه شاب

* * *
وسأل نفسه وسألني[/b] . . . . . . . . . . . . هيعوز إيه يعني مني؟
لو عندي كل حاجه[/b] . . . . . . . . . . . . وديني مش شاغلني
أحسن ليك تنسى بنتي[/b] . . . . . . . . . . . . ومهرك مش لازمني
قلتله صبرك ياعمي[/b] . . . . . . . . . . . . وبراحتك امتحني
يبقى أما أسأل تجاوب[/b] . . . . . . . . . . . . خليك دايماً فاهمني
سألتك وأنت ساكت[/b] . . . . . . . . . . . . خليتني أظن ظني
وفضل يسأل واجاوب[/b] . . . . . . . . . . . . وعشان خاطرك عصرني
وظهرت النتيجة[/b] .. . . . . . . . . . . . وبفضل الله قبلني

* * *
قاللي مقبول في نظري[/b] . . . . . . . . . . . . مبروك عليك ياسيدي
لكن في نظرها هي[/b] . . . . . . . . . . . . نجاحك مش بإيدي
وهي زمانها راجعة . . . . . . . . . . . . من تمرين السويدي
خليك قاعد شوية[/b] . . . . . . . . . . . . استنا لما تيجي
هعملك من إيديا[/b] . . . . . . . . . . . . كباية شاي صعيدي

* * *

سابني وقعدت أفكر[/b] . . . . . . . . . . . . هل ممكن ترفضيني
طاب قولي حتى أفكر[/b] . . . . . . . . . . . . مش يمكن تفهميني
وفضل مخي يلاعبني[/b] . . . . . . . . . . . . يجيبني ويوديني
وخايف م المقابلة[/b] . . . . . . . . . . . . مرعوب بينك وبيني
ودق الباب في ثانية[/b] . . . . . . . . . . . . وشوفتك مرة تانية
مش قادر أنسى يومها[/b] . . . . . . . . . . . . وفاكر كل ثانية

* * *
ونده والدك عليكي[/b] . . . . . . . . . . . . عشان أول لقاء
دخلتي وشوفت وشك . . . . . . . . . . . . عليه نور الحياء
نور والله فعلاً . . . . . . . . . . . . مش نور بودرة وزواء
كان أول مرة أخاف . . . . . . . . . . . . من فتنة النساء
أخلاقك مش عادية . . . . . . . . . . . . وجمالك كان شفاء


* * *

قعدتي جنب والدك[/b] . . . . . . . . . . . . وسألتيني وجاوبتك
وفكل مرة أجاوب . . . . . . . . . . . . [/b] كنت بشوف ابتسامتك
ف أقول من جوه نفسي[/b] . . . . . . . . . . . . يا رب أكون عجبتك
وبعد شوية قمتي . . . . . . . . . . . . ندهت عليكي مامتك
ورحتي دخلتي جوه . . . . . . . . . . . . وراح وراكي والدك
وأنا قلت مش مروح . . . . . . . . . . . . غير لما أكون خطبتك


* * *

وابوكي جاني تاني[/b] . . . . . . . . . . . . وقرب من وداني
لابس كرفته سوده . . . . . . . . . . . . وبدله لون فراني
المنظر يعني كله . . . . . . . . . . . . ميدلش ع التهاني
قلتله مالك ياعمي . . . . . . . . . . . . من فضلك قول عشاني
عرقي غرقلي كمي . . . . . . . . . . . . سايبني ليه أعاني
قالي مستني إيه . . . . . . . . . . . . فين إيدك إديهاني
البنت مش موافقة . . . . . . . . . . . . تتجوز حد تاني

* * *
كان أول مرة أعرف[/b] . . . . . . . . . . . . إزاي الناس بتفرح
سعادتي كات غريبة . . . . . . . . . . . . مش ممكن هقدر أشرح
من كتر حبي ليكي[/b] . . . . . . . . . . . . نويت أضحي وادبح
رحت اشتريت خروف[/b] . . . . . . . . . . . . وكان خروف بينطح
ده أخيراً هبقى جوزك[/b] . . . . . . . . . . . . وشجرة صبري تطرح

* * *
خطوبتنا كات بسيطة . . . . . . . . . . . . مكانش فيها زيطة
وفرحنا كان في جامع . . . . . . . . . . . . يعني مش خلطبيطة
ومامتك جت في يومها . . . . . . . . . . . . ورقعت كام سويطة
هاتولي بنتي منه . . . . . . . . . . . . دي مش فاهمة العبيطة
إنه هيخطفها مني . . . . . . . . . . . . وهتوحشني الغتيتة

* * *
صعبت عليا مامتك[/b] . . . . . . . . . . . . الموقف كان شديد
لكن فعلاً خطفتك[/b] . . . . . . . . . . . . ورحنا مكان بعيد
فاكره ولا انتي ناسية[/b] . . . . . . . . . . . . أكيد فاكره أكيد
من يوم ما بقيتي زوجتي[/b] . . . . . . . . . . وأنا متهني وسعيد
معايا ف كل يوم[/b] . . .. . . . . . . . . . ويوم لؤاكي عيد
عمرك ما دقتي نوم[/b] . . . . . . . . . . . . وأنا تعبان أو مريض
فلوسي كات بتكتر[/b] . . . . . . . . . . . . والخير عندك يزيد
وعامله ليه دفتر[/b] . . . . . . . . . . . . ومرتبه المواعيد
وبفضل الله قدرتي[/b] . . . . . . . . . . . . وجبتي لي الوليد
وبعديها بشوية[/b] .. . . . . . . . . . . . جبتي لنا عليه يزيد
وبعديه جت سمية[/b] . . . . . . . . . . . . وآخرهم كان حميد


* * *

بدعيلك كل يوم[/b] . . . . . . . . . . . . وأفضل أعيد وأزيد
ربيتي عيالي دول . . . . . . . . . . . . ع القرآن المجيد
طول عمرك وانتي صافية . . . . . . . . . . . . قلبك لون الجليد
أخلاقهم مش عادية . . . . . . . . . . . . طلعنلك مش بعيد
وليد دلوقتي ضابط[/b] . . . . . . . . . . . . ومعاه رتبة عقيد
ودعوة قلبي صابت . . . . . . . . . . . . ويزيد أهو مات شهيد
وبنتك صيدلية . . . .. . . . . . . . . وحميد أصبح معيد
الله برحم أبوكي . . . . . . . . . . . . راجل من نوع فريد
كل اللي قاله فيكي . . . . . . . . . . . . أنا عشته بالتحديد


* * *

عشت معاكي ف حكاية[/b] . . . . . . . . . . . . أحلى وأجمل رواية
حكايتي كات معاك[/b] . . . . . . . . . . . . وحكايتك كات معايا
اديتك كل عمري . . . . . . . . . . . . وهمك كان رضايا
وعمرك خدته منك . . . . . . . . . . . . وقربك كان دوايا
وخلاص العمر راح . . . . . . . . . . . . راحت أيام صبايا
ومسافر رحله صعبة . . . . . . . . . . . . وزادي مش كفاية
مش عاوز أشوف دموعك . . . . . . . . . . بالذات ف يوم عزايا
أنا عارف وإنتي عارفة . . . . . . . . . . . . إن الموت مش نهاية
دي لسه الرحلة طالعة . . . . . . . . . . . . والموت خط البداية
إدعيلي يمكن أوصل . . . . . . . . . . . . وأشوف هناك حمايا
أنا عارف إنه فيها . . . . . . . . . . . . محجوز له هناك سرير
وسلامي في النهاية . . . . . . . . . . . . أنا خلصت الحكاية
لو يوم فكرتي فيه . . . . . . . . . . . . إقري شعري وغانياueوأمانه ف كل مرة . . . . . . . . . . . . تدعيلي بالهداية
عسى ربي بدعائك . . . . . . . . . . . . يغفر ليا الخطايا

اللهم[/b] ارزق شباب المسلمين زوجات صالحات وارزق بناتهم أزواجا صالحين

يسلمو

منقول