كرسي الاعتراف (حوار صريح جداً) الجزء 4

تاريخ التسجيل : 07/05/2010

وانا اوافق بجلوس المتر مره تانيه من اجل الاصدقاء الجدد الزين يريدون ان يتعرفوا عليه

تاريخ التسجيل : 23/12/2010

انا بصفة عضو جديدى احب ان اتعرف على المتر
وياريت من الادارة الموافقة \

تاريخ التسجيل : 13/12/2010

وانا ربما تكون دى اول مشارك لى فى المنتدى
اطالب بجلوس المتر مرى تانى على الكرسى

تاريخ التسجيل : 25/11/2010

وانا موافق على المتر

تاريخ التسجيل : 14/10/2010

يا عم المتر الجماهير تنادي هيا لبي النداء

تاريخ التسجيل : 04/09/2010

وانا مش هقدر اقول لأ معاكم يا احلى اعضاء
انا تحت امركم بس بالراحه عليا مش عاوز ضرب نااار

تاريخ التسجيل : 03/01/2010

يلا يامتر أسمع كلام البروف وأبو التمن وتوكل على الله
وخليك جامد

تاريخ التسجيل : 04/09/2010

البطاقة الشخصية

1-اسمك
ايمن محمد ابوالوفا .......والشهره / ايمن عبدالحق

2- عمرك
25 سنة إلا 6 ايام

3- مؤهلك التعليمي
ليسانس حقوق وحصلت على دبلوم جنائى وكنت بعمل واحده تانية بس مع ضغط الشغل فيصت فيها

4- عملك
محامى

5- بلدك
بنى حميل ام القرى

6-امنية تتمناها
اكتر حاجه بتمناهم حسن الخاتمة والشهادة في سبيل الله

7- هواياتك
النت و السباحه والقراءة

8- اكلتك المفضلة
السمك المقلى وايه حاجه الواحد يغسل يده بعدها بالصابونه

9-اكثر شيء تخشاه
الموت على معصيه

10- هدفك في الحياه
اكيد النجاح فى تخصصى على الاقل

11- مثلك الاعلى
رسول الله صلي الله عليه وسلم

12-الجملة او العبارة المفضلة لديك
وجدت في سكوتي متجرا ً فلزمته ُ إن لم أجد ربحا ً فلست بخاسر
وما الصمت إلا في الرجال ِ متاجر ُ وتاجرهُ يعلو على كل تاجر

13-الحالة الاجتماعية
اعزب وبدور على واحده

14 - من هم الأعضاء الذين هم لفتو إنتباهك بالمنتدى
كتييييييييييييييييير هقول مين ولا مين

تاريخ التسجيل : 28/10/2010

السلام عليكم
اولا احب انا اشكر المتر بجلوسة مرة تانى على كرسى الاعتراف
قلى يا متر
لو فى يدك قنبلة يدوية وفى الاخر وردة حمراء
من ستهديه القنبلة ومن ستهدية الوردة الحمراء
من الاعضاء / الزعيم /ايمن التمن/البرفسير /محمود خلاف/الدكتوار حاتم
وجة رساله شكرا لشحص لا يعرفة الا انت من الاعضاء
كيف تتخيل العالم من دوين هذة الاشاء
الحب
الاكل
الشرب
مين اول انسان قلك بحبك ومين اول انسان انت قلتله بحبك
واية اجمل ميزه بتلاحظ وبتحس انها تميزك عن غيرك
واية هو العيب اللى بضايقك وبتحس انو مش ميزة فيك
وهل تحب اقرب انسان يكون ليك صديق بنت ولى ولد
وقلى بصفتك محامى لية المحامى يرتد روب اسود اللون
واية ريك فى كل من
البروفسير / غاوى مشاكل/حامى المحامين/التمن/خادم السنة/ايمن مؤمن/
المهندس/الافريقى/

تاريخ التسجيل : 07/01/2011

وأنا يامتر ليه رجاؤ عشان خاطري ياريت تقعد على الكرسي وانا مكلف بتنضيفه قبل ماتقعد
يله استرخي واتفضل على الكرسي
[ندعوك للتسجيل في المنتدى أو التعريف بنفسك لمعاينة هذه الصورة]

تاريخ التسجيل : 04/09/2010

السلام عليكم
وعليكم السلام ورحمه الله وبركاته

اولا احب انا اشكر المتر بجلوسة مرة تانى على كرسى الاعتراف
لا عادى ولا يهمك اانا مع اللى يطلبه الاعضاء

قلى يا متر
اتفضل يا باشا

لو فى يدك قنبلة يدوية وفى الاخر وردة حمراء
من ستهديه القنبلة ومن ستهدية الوردة الحمراء
من الاعضاء / الزعيم /ايمن التمن/البرفسير /محمود خلاف/الدكتور حاتم
لو فى يدي قنبله أتمني القنبله تكون فاسده ولا لها أي قيمه اما لو كانت شغاله
سأضع القنبلة في قلب كل يهودي وامريكى شارك في قتل أطفال غزة والعراق الابرياء
وسأضع الوردة على أكفان أطفال غزة والعراق الشهداء
( انت عاوز تخلص من الاعضاء ولا ايه )

وجة رساله شكرا لشخص لا يعرفة الا انت من الاعضاء
انا هقوله بينى وبين نفسي شكرا وهديه مقبوله منك
وعقبالك ان شاء الله

كيف تتخيل العالم من دوين هذة الاشاء
الحب عادى الناس هتعيش ونبطل كدب ونفاق على البنات
الاكل اكيد هتنتشر المجاعات واحنا زمانا من الاموات
الشرب شرحه

مين اول انسان قلك بحبك ومين اول انسان انت قلتله بحبك
اكيد امى اول واحده واكيد هى برضه انا قلتلها كده

واية اجمل ميزه بتلاحظ وبتحس انها تميزك عن غيرك
راحه البال على الاخر مستحيل حد باله مريحه زيي

واية هو العيب اللى بضايقك وبتحس انو مش ميزة فيك
الغضب واحيانا التسرع فى الامور

وهل تحب اقرب انسان يكون ليك صديق بنت ولا ولد
اكيد ولد والحمد لله معايا حاليا اصدقاء

وقلى بصفتك محامى لية المحامى يرتدى روب اسود اللون
علشان طلعنا لاقناه كده
( لو عاوز تعرف السبب اكتر روح قسم الاستشارات القانونية وهتلاقينى عامل موضوع بالعنوان ده )

واية رأيك فى كل من

البروفسير........ انسان احساسه عالى على الاخر
غاوى مشاكل.......... ربنا يهديه ويبطل مشاكل
حامى المحامين ..........اخويا التانى اللى معايا على طول
رب اخ لم تلده امك
التمن..........انسان فعلا محترم ودمه خفيف على الاخر
خادم السنة..........كويس جدا جدا ومثال للشباب الجاد والمتدين بس ربنا يهديه
ايمن مؤمن...........اعتز بمعرفته وانسان محترم جدا ومتثقف عنده معلومه
المهندس...............فهلوى ونصه بق يوديك البحر وترجع عطشان ربنا يهديه ويخلص موضوعه على خير
الافريقى............ معرفهوش قوى مش بيشارك على طول

تاريخ التسجيل : 04/09/2010

وأنا يامتر ليه رجاؤ عشان خاطري ياريت تقعد على الكرسي وانا مكلف بتنضيفه قبل ماتقعد
يله استرخي واتفضل على الكرسي
اموت واعرف انت مين وعاوز منى ايه ؟؟؟؟؟؟؟؟؟؟؟

تاريخ التسجيل : 11/08/2010

بسم الله الرحمن الرحيم
اولا.اهنىء اخى المتر على جلوسة على الكرسى واود ان اقول لة كلمة واحدة(كما تدين تدان).وبالامس كنت تسال واليوم انت سوف تسال فارجوا منك ان تفتح لى صدرك ولا تاخذ اسئلتى على محمل شخصى ففى النهاية كلنا اخوة.
ثانيا.اود ان اضيف ملحوظة هامة ارجوا من الادارة عدم حذف اسئلتى وهذا الكلام موجة لكل من لة سلطة فى هذا المنتدى لان هناك من يستخدمون هذة السلطة استخدام شخصى وكل واحد عارف نفسة
المهم ندخل على الاسئلة
السؤال الاول.ماهو الاسباب التى تدفعك لحزف موضوع ليس فية شىء غير انة يتكلم عن بعط الطرائف التى تخص مهنة معينة؟
السؤال الثانى.ممكن تقول لى ما هى اختصاصاتك فى المنتدى بصراحة او ما هى الصلاحيات الممنوحة اليك من قبل الادرة ؟
السؤال الثالث.ما رايك فى العضو ابو القاضى بصراحة؟
السؤال الثالث.ماشعورك لو علمت ان هناك مجموعة من الاعضاء يستخدمون السلطة الممنوحة لهم فى اغراض شخصية بمعنى يقومون بحزف هزا الموضوع ويبقون على ذاك؟
السؤال الرابع.ماهى الكلمة التى ستوجهها اليهم بكل صراحة؟
السؤال الخامس.انت معتقد انك جاوبت على اسئلتى بصراحة؟
لو كانت الاجابة بنعم فالكلام موجة اليك
ولو كانت الاجابة بلا فاوعدك انى سوف اترك هذا المنتدى بلا رجعة
ياريت الاسئلة بتاعتى لاتحزف عن طريق احد

تاريخ التسجيل : 28/10/2010

احيك يا متر على اجابتك الصريحة
طيب خدلك كام سوال على الماشى لحد ما تمشى الزبيان من عندى
يلى نبدا
ما هى موصفات فتاة احلامك
هل سبق ومريت بتجربة حب من طرف واحد
وهل انت فى علاقة حب حاليا
هل تجد نفسك غبيا احيانا امام بعد اصدقا ئك
ومع من كان لك اول سواء تفاهم حصل فى حياتك
ومين الشخص المشهور الى نفسك تكون مكانة
امتى تحب ان تتزوج ولى مليكش رغبة خالص فى الزواج
من افضل داعية بتحبو
هل تحب المال بصفتك اناك محامى ولو جالك واحد غلبان على انك تترافع لهو فى بعض القضاء
بدون مقابل هل ترفض ام توافق
اذا اعطيتك ساعة مع من تتمنى ان تقضية
قلى يا متر بصفتك محامى لو فى يوم من الايام معك قضية
وهذة القضية لنا تكسبة الى اذا كذبت على القاضى
هل سا تكزب ام اناك تقو الحقيقة مع العلم انا القضية اذ كسبتة هتعمل ليك شهر ى
وشكر يا متر اشوفك بل الليل

تاريخ التسجيل : 02/04/2010

انا اول واحد موافق بجلوس المترعلى كرسى الاعتراف
جالك الموت ياتارك الصلاه

تاريخ التسجيل : 04/09/2010

بسم الله الرحمن الرحيم
اولا.اهنىء اخى المتر على جلوسة على الكرسى واود ان اقول لة كلمة واحدة(كما تدين تدان).وبالامس كنت تسال واليوم انت سوف تسال فارجوا منك ان تفتح لى صدرك ولا تاخذ اسئلتى على محمل شخصى ففى النهاية كلنا اخوة.
والله انا مش عارف عملت ايه معاكم كلكم عاوزين تقطعونى وتشرحونى على الكرسي
حراااااااااااااااااام عليكم يا ناس
اتفضل يا ابو القاضى قول اسئلتك المكان واسع

ثانيا.اود ان اضيف ملحوظة هامة ارجوا من الادارة عدم حذف اسئلتى وهذا الكلام موجة لكل من لة سلطة فى هذا المنتدى لان هناك من يستخدمون هذة السلطة استخدام شخصى وكل واحد عارف نفسة
طيب انت ليه بتقول الكلام ده هو فى حد
حزفلك مواضيع انت او الاعضاء إلا لو تطاولت على شخص معين او تطرقت للسياسه
او كان يخالف الاديان السماوية او من الآخر خالفت قوانين المنتدى

المهم ندخل على الاسئلة
ندخل يا عم الحج

السؤال الاول.ماهو الاسباب التى تدفعك لحزف موضوع ليس فية شىء غير انة يتكلم عن بعض الطرائف التى تخص مهنة معينة؟
طبعا انا عارف انت تقصد مين بالكلام ده بس انا قلتلك فى بدايه كلامى
ان موضوعك مخالف وكان لازم يتحزف لانى انا تجنبتك والحمد لله كنت علي يقين
لأن الجاهل مجادلته مرهقه وانا اتجنبها واحيانا بتماشي معاه على كد عقله لانه جاهل وسيظل جاهل وخصوصا
لو وجدته لا يجيد الاستماع مثلك لان هناك جهله يرفضون الاستماع أيضا بمعنى جاهل ومعجب بجهله ومقتنع به
اما اذا كان جاهلا ويجيد الاستماع ويريد ان يعرف ممكن ابسط له المعلومه اتماشى معه
فهمت يا بيهيج بيه

السؤال الثانى.ممكن تقول لى ما هى اختصاصاتك فى المنتدى بصراحة او ما هى الصلاحيات الممنوحة اليك من قبل الادرة ؟
انت لو بتقرا فى مواضيع المنتدى ما كنتش قولت سؤال زى ده
اعتقد وكمان متأكد ان المنتدى فى مواضيع كفايه عن سؤالك
يا راجل دا حتى الزعيم مثبت مواضيع عنه

السؤال الثالث.ما رايك فى العضو ابو القاضى بصراحة؟
شخص في نظري كويس ومحترم إلا انه لا يفقه بعض الامور احيانا ويجادل فى غير الحق

السؤال الثالث.ماشعورك لو علمت ان هناك مجموعة من الاعضاء يستخدمون السلطة الممنوحة لهم فى اغراض شخصية بمعنى يقومون بحزف هزا الموضوع ويبقون على ذاك؟
يعنى مش معقول هيكون فى حد بيحزف مواضيع على الفاضى والمليان
إلا لو كان فى سبب طبعا يخليه يعمل كده ولا هى خيار وفاقوس

السؤال الرابع.ماهى الكلمة التى ستوجهها اليهم بكل صراحة؟
ربنا يهديهم ويهدينا

السؤال الخامس.انت معتقد انك جاوبت على اسئلتى بصراحة؟
لو كانت الاجابة بنعم فالكلام موجة اليك
ولو كانت الاجابة بلا فاوعدك انى سوف اترك هذا المنتدى بلا رجعة
والله انا مش فاهم السؤال ده هى اسئلتك كانت جاوب ب (نعم ) و (لا)

ياريت الاسئلة بتاعتى لاتحزف عن طريق احد
متحزفتش والدليل انا جاوبت عليها كلها

تاريخ التسجيل : 04/09/2010

ما هى موصفات فتاة احلامك
ان تكون محترمه
وتتقى الله فيا وتحترم أهلي
وتكون تعرف ربنا ومتفاهمه
وطبعا جميله يا سيدى تنكح المرآه لأربع

هل سبق ومريت بتجربة حب من طرف واحد
اكيد طبعا

وهل انت فى علاقة حب حاليا
لا والحمد لله

هل تجد نفسك غبيا احيانا امام بعد اصدقا ئك
احيانا مش كتير لما بكون قاعد ومش فاهم هما بيحكوا فى ايه

ومع من كان لك اول سواء تفاهم حصل فى حياتك
مش فاكر والله

ومين الشخص المشهور الى نفسك تكون مكانة
نفسي اكون زى نفسي بص لو قعدت تقول نفسي اكون زى فلان ومش عارف مين مش هتخلص
احنا مفيش غير التراب يملى عيونا

امتى تحب ان تتزوج ولى مليكش رغبة خالص فى الزواج
لما القى بنت الحلال المناسبه يا راجل الواحد لسه نفسه خضره

من افضل داعية بتحبو
بصراحه د / عمر عبدالكافى احترمه جدا جدا

هل تحب المال بصفتك اناك محامى ولو جالك واحد غلبان على انك تترافع لهو فى بعض القضاء
بدون مقابل هل ترفض ام توافق
بص الفلوس مش كل حاجه والله والواحد الحمد لله مش بيبص على الفلوس غير اخر حاجه
صح الواحد بيعرف يقلب الموكلين بطريقته لكن فى ناس عاوز حش رقبتها
عارف ليه احنا مهنتنا بنتعامل مع كل الفئات اللى تخطر على بالك واكيد انت ليك نظره فى موكلك

اذا اعطيتك ساعة مع من تتمنى ان تقضية
بحب اقعد لوحدى كتير انا انطوائى جدا ودا عكس شغلى عاوز اجتماعيات اكتر

قلى يا متر بصفتك محامى لو فى يوم من الايام معك قضية
وهذة القضية لنا تكسبة الى اذا كذبت على القاضى
هل سا تكزب ام اناك تقو الحقيقة مع العلم انا القضية اذ كسبتة هتعمل ليك شهر ى
بص هو الموضع مش كدب لكن للاسف اللى اتعرف عن المحامين فى السينما والتلفزيون والمسلسلات انه شخص فهلوى بيقلب الحق للباطل والعكس والمهم عنده يكسب القضيه لموكله
الكلام ده مش صحيح وان كان فى فئه معينه شغاله فى الحرام وللاسف الناس عندنا بتعمم الحكم على المحترم والغير محترم
لكن طول ما انت محترم محدش هيقول غير الحقيقه صدقنى

وشكر يا متر اشوفك بل الليل
اى خدمه يا مش مهندس

تاريخ التسجيل : 14/10/2010

اهلا يامتر الامتار
اولا ماهو شعورك نحو المراة
ثانيا فتاة احلامك قاصرة علي البلد ولا ممكن من خارجها
وممكن تقبل احد اصدقائك ان يساعدك علي العثور عليها ام لا
ان شاء الله نساعد المهندس اولا ثم انت ولك عندي هدية ان شاء الله

تاريخ التسجيل : 29/11/2010

منور كرسى الاعتراف اخى الغالى المتر وللاسف الشديد الاخوة ما خلو حاجة نسال عنها لكن علشان انا بحبك هسالك سوال واحد ما رايك فى الصداقة بين الولد والبنت وما هى مواصفات صديقك المخلص ومن هو اقرب الاصدقاء لديك ومتى تعتبر الشخص صديقك وهل تفضل كثرة الاصدقاء ام قلتهم ومتى تندم على صداقة شخص وهل فقدت احد الاصدقاء ولماذا وانا لقبتك بالفارس الاول مارايك فية وشكرا ومنورنا ونكمل بعدين

تاريخ التسجيل : 04/09/2010

اهلا يامتر الامتار
اهلا بيك ابوزياد لعلك بخير

اولا ماهو شعورك نحو المراة
من أي ناحية تقصد أخي ايمن ابو مؤمن؟
ولكن سأجيبك
النساء منهم الجيد ومنهم السئ وانا شخصيا لا أري في المرأة عيبا لمجرد
أنها امرأة انما الحكم على كونها جيده او سيئه ينبع من افعالها وتصرفاتها
وليس بالجنس ويكفى بعض ما قيل عن المرآة من انها على سبيل المثال
المرأة مخلوق مليء بالحنان والرقة عندما يشاء .
المرأة في نظري هي التي تجعلني أحس بكياني كرجل
المرأة هي روح الحياة ، وبدونها يموت كل شيئ
اظن نورت المحكمة على كده

ثانيا فتاة احلامك قاصرة علي البلد ولا ممكن من خارجها
والله الواحد يفضل انها تكون من البلد بس دا ميمنعش انها
ممكن تكون من بره

وممكن تقبل احد اصدقائك ان يساعدك علي العثور عليها ام لا
دلنى عليها يا فاعل الخير وليك الاجر والثواب عند الله

ان شاء الله نساعد المهندس اولا ثم انت ولك عندي هدية ان شاء الله
لا موضوع المهندس كل سنه وانت طيب
عاوزين نروح مصر نجيب قلاب عرايس ونيجي

تاريخ التسجيل : 04/09/2010

منور كرسى الاعتراف اخى الغالى المتر
منور بيكم اخى الغالى ابو حماده

وللاسف الشديد الاخوة ما خلو حاجة نسال عنها لكن علشان انا بحبك هسالك سوال واحد
كله ده سؤال دول عشرمية سؤال فى بعض ههههههههه

ما رايك فى الصداقة بين الولد والبنت
لا طبعا مفيش حاجه اسمها صداقه بين ولد وبنت ودى قلة ادب وحرام شرعا يمكن حد يقول عليا انسان رجعى او متخلف خصوصا واحنا فى زمن التكنولوجيا والتطور والهباب اللى احنا عايشين فيه واعتقد دلوقتى
الصداقه بين بنت وبنت صارت غلط فما بالكم بين بنت وولد طيب حد فيكم يرضى ان اخته او بنته تصاحب دكر لا اعتقد ذلك هتقلب بحب في الاخر وبعدين لما يكبروا ويعرفوا هيستهبلوا بعض هههههههه

وما هى مواصفات صديقك المخلص
اهم حاجه الاخلاص وعدم الخيانه كفايه يكونوا فى الصديق

ومن هو اقرب الاصدقاء لديك
الحمد لله معايا اصدقاء عشرة على عشرة يتحسدوا

ومتى تعتبر الشخص صديقك
لما يحفظنى فى غيبتى ويحفظ اسرارى وبعدين الاصدقاء
بيكونوا زى اتنين بيحبوا بعض جمعهم القدر

وهل تفضل كثرة الاصدقاء ام قلتهم
لو اصدقاء بمعنى الكلمة يعنى زى الاخوات مع بعض اكيد بيكونوا واحد او اتنين بس
اما لو لو كانت الكلمه بالمعنى العام الواحد بيحب يتعرف على ناس كتير بس برضه فى حدود معينه
لان الشئ لو زاد عن حده هيتقلب ضده وبعدين لو عاوز تعرف الواحد هتعرفه من اصحابه

ومتى تندم على صداقة شخص
لو اتخدعت فيه وعرفته على حقيقته

وهل فقدت احد الاصدقاء ولماذا
لا الحمد لله انا مش بسهوله بضيع اصحابى حتى لو غلطوا فيا

وانا لقبتك بالفارس الاول مارايك فية
دا وسام على صدرى اعتز بيه من اخ عزيز وغالى زيك

وشكرا ومنورنا ونكمل بعدين
منور بيك وانا معاك فى اى وقت يا باشا

تاريخ التسجيل : 30/10/2010

السلام عليكم ورحمه الله وبركاته
حبيبي المتر وحشني وجاي مخصوص عشان اشارك
مع اخواني الاعضاء في الاسئله
صف شخصيتك في سطرين
ه انت انسان منطوي ولا اجتماعي
مين اعز صديق ليك خارج المندي
ومن اعز صديق داخل المنتدي
قلي علي يوم بكيت منه
ويوم فرحت بيه
ويوم نفسك يتكرر
ويوم ندمت عليه
عايز اعرف الميزه اللي الناس بتحس انها بتحسدك عشانها
والعيب اللي حاسس انه بيحرجك بين الناس
امنيه تمنيتها وحققتها واخري لم تحققها واخري حققتها وندمت علي تحقيقها
ايه رايك في الحب
سبق ان جربت الحب
يا تري لسه الحب قاعد في قلبك ولا ملهوش مكان
ايه رايك في
الزعيم-البروفسير- التمن-ابومنار- الدكتور حاتم-ابوحماده-ابوحازم-المهندس-ابوالقاضي-العميد-خادم السنه
-

تاريخ التسجيل : 07/01/2011

السلام على من اتبع الهدي
انا عايز أعرف انت ليه مدايق مني وعايز ليه تعرف شخصيتي ؟؟؟
ممكن أطلب منك انت تلخص شخصيتك فى جمله من 10 كلمات؟؟؟
ف نظرك ماهي الصداقه؟؟
وماهي حدودها؟؟
وكيف سيكون ردة فعلك إذا تأمرعليك أصدقاءك ليخرجوك من بينهم ؟؟
وانا أريد أن أعرف انت ليه لم تتزوج لحد دلوقتي مع العلم انك مش فقير يعني زي الغلابه اللى زينا(ولا دي قنزحه منك)؟؟؟
عايز أعرف امتي أخر أخر خزوق خدته من موزه؟؟
وياتري ايه كان ردة فعلك؟؟
وفى النهايه سامحني العين متعلاش عن الحاجب وياريت تجاوب على الأسئله بصراحه لأني فاقسك كويس

تاريخ التسجيل : 23/06/2010

جالك الموت ياتارك الصلاة
تفضل إسترخي براحه وبكل هدوء
[ندعوك للتسجيل في المنتدى أو التعريف بنفسك لمعاينة هذه الصورة]

1/إنت ليه لم تتزوج إلى الأن؟
2/هل تري بأنك محامي ناجح مقارنةً بمحامين البلد؟
3/هل لو جاتلك قضية قتل وانت عارف إن موكلك هو القاتل هل ستدافع عنه أم أنك ستعتزر وتترك القضيه؟
4/مع إحترامي لكل المحاميين إلا تري أن مهنة المحاماه هي مهنه يشوبها بعض الشبهات(مع من لايتقون الله) إذاً فلما إخترتها مع علمي بأنك كان لديك إختيارات كثيره.؟
5/ أريدك أن تضع سلبيات المتر فى جمله مفيده؟
6/أريدك أن تضع إجابيات المتر فى جمله مفيده؟
7/أريدك أن تصف هؤلاء الأعضاء كل منهم فى جمله من 5 كلمات
(المتر&البروف&المهندس&التمن&الدكتور حاتم&ابو حماده&ابو القاضي&خادم السنه)
8/وأخيراً أريد منك نصيحه توجها لأخيك خادم السنه فماذا تقول له؟؟؟؟؟؟؟؟؟؟؟؟؟؟؟؟

تاريخ التسجيل : 28/10/2010

انت فين يا متر

تاريخ التسجيل : 30/10/2010

[ندعوك للتسجيل في المنتدى أو التعريف بنفسك لمعاينة هذه الصورة]

تاريخ التسجيل : 04/09/2010

السلام عليكم ورحمه الله وبركاته

وعليكم السلام ورحمه الله وبركاته
حبيبي المتر وحشني وجاي مخصوص عشان اشارك
مع اخواني الاعضاء في الاسئله
انت اكتر والله واتفضل يا باشا المكان واسع

صف شخصيتك في سطرين
انسان عادى جدا بسيط زى كل الناس كسووووول فى البيت جدا جدا لاقصى درجة
ممكن حد يتصورها وبس كده علشان محدش يقولك بيشكر فى نفسه

هل انت انسان منطوي ولا اجتماعي
بحب اقعد مع نفسي كتير لكن انا اجتماعى وبحب اتعرف على ناس كتير بس
الانسان اجتماعى بطبعه وانا بحاول اتعرف على ناس كويسين زيكم

مين اعز صديق ليك خارج المنتدي
واحد صاحبي زى الاخوات مع بعض ويمكن اكتر

ومن اعز صديق داخل المنتدي
بصراحه تقدر تقول اصدقاء مش صديق ووالله كلهم محترمين جدا

قلي علي يوم بكيت منه
لما واحد صاحبي مات
الفاتحه لاموات المسلمين كافه عامه

ويوم فرحت بيه
الحمد لله انا دايما تلاقينى مبسوط كل يوم

ويوم نفسك يتكرر
يوم ما شفتها من زمان وقعدت معاها
ليت الايام تعود يوما بس الحمد لله كل واحد راح لحاله

ويوم ندمت عليه
مش فاكر فعلا

عايز اعرف الميزه اللي الناس بتحس انها بتحسدك عشانها
رااااااااااحه البال انا خايف ليكون عندى مرض اسمه راحه البال

والعيب اللي حاسس انه بيحرجك بين الناس
لا الحمد لله انا دايما واثق من نفسي

امنيه تمنيتها وحققتها
قول امانى كتير والحمد لله

واخري لم تحققها
انى احصل على الماجستير فى القانون

واخري حققتها وندمت علي تحقيقها
لسه محصلتش دى

ايه رايك في الحب
اجمل شئ فى الوجود بس فى الايام دى بقى برود وقله ادب

سبق ان جربت الحب
اه وفشلت فيه

يا تري لسه الحب قاعد في قلبك ولا ملهوش مكان
مسحته بجركن مية نار وتقدر تقول قربت اقتنع انى نسيته

ايه رايك في
الزعيم انسان محترم فعلا واخ غالى علينا كلنا ( لحد يقولك شهاده مجروحه من المتر علشان بيخاف منه ههههههههههههه )
-البروفسير- التمن-انا ابديت رأى فيهم
ابومنار- انسان دمه خفيف ومتشبعش من القعده معاه خالص
الدكتور حاتم- مع انى مقعدتش معاه قبل كده ولا هو يعرفنى ولا اعرفه بس من خلال مواضيعه وردوده تحس كده انه راجل تلقاه فى الزنقه ومحترم جدا وابن بلد
ابوحماده- الراجل ده قصه تانية لوحده بشوش ودايما مبتسم على طول
ابوحازم- مشفتش فى حياتى حد خجول اكتر من كده دا الادب بيستحى منه
المهندس-ابوالقاضي--خادم السنه ابديت رأئى فيهم
العميد طيب ودايما فى حاله
-