| تاريخ كتابة المُساهمة  الأربعاء يونيو 30, 2010 5:39 am | |
 | قصه حماده ومياده
القصة دى هى قصة معظم الشباب والبنات الوقتى ع النت والقصة دى باختصار قصة حقيقية مع بعض التغييرات واسماء الاشخاص اللى فيها .. وقبل ما نعرف القصة لازم نعرف مين هما حمادة وميادة
حمادة : هو شاب فى اولى جامعة كانت حياته طبيعية قبل ان يصل اليه الإنترنت و الموبايل فكان مثلا للاخلاق والادب وكان طالب بكلية التجارة جامعة القاهرة ..
ميادة : هى بنت فى اولى جامعة كانت حياتها ترفيهيا الى حد ما وكانت هى الوحيدة ليس لها اخ ولا اخت فنالت على الدلع والترفيه من الاب والام وكانت بكلية اداب جامعة حلوان ..
حمادة اتعرف على ميادة عن طريق الانترنت .. عن طريق احد المنتديات
واسيبكم مع الحكاية
حمادة : هاى ممكن نتعرف ؟
ميادة : ( طبعا مش بترد على طول لازم تتقل )
حمادة : انا حمادة مشترك معاكى فى موقع ..... وحبيت اقولك رأى فى اخر مواضيعك
ميادة : اه ازيك يا حمادة عامل ايه انت العضو اللى اسمه (Hamada 4 Love)
حمادة : ايون بالظبط بالامانة اخر موضوع ليكى فى الموقع كان خرافة
ميادة : ميرسى ده من ذوقك بس فعلا الموضوع ده خد وقت عقبال ما عملته
حمادة : انا خت ايميلك لانى مشرف عام فى الموقع وليا السلطة انى اخد ايميلات ولكن انا قولت بس لازم انى اسجل ايميلك عشان اشكرك على الموضوع ده ويارب مكنش ضايقتك
ميادة : لا مضيقتنيش ولا حاجه
حمادة : طيب ايه رأيك تمسكى اشراف معانا فى الموقع
ميادة : مش عارفه بس همسك قسم ايه
حمادة : هتمسكى قسم الحب والرومانسية
ميادة : طيب المفروض انى لما ابقى مشرفه اعمل ايه
حمادة : هتعملى كل يوم 5 مواضيع وتتابعى المواضيع و كده بقى
ميادة : خلاص موافقه
حمادة : انا داخل اعينك مشرفه اهو ... ( انما انتى اسمك هو الى مسجله بيه على الموقع ؟)
ميادة : اه اسم الدلع بتاعى (MAYA)
حمادة : وياترا اسمك الحقيقى ايه ؟؟
ميادة : انا اسمى ميادة
حمادة : ماشى يا ميادة انا عينتك خلاص مشرفة بصى لو اسمك على الموقع اتغير
ميادة : ميرسى جدا ليك على الثقة دى
حمادة : ربنا يخليكى انتى تستهلى اكتر من كده .. بس قوليلى صح انتى بتدرسى ايه؟
ميادة : اه انا فى كلية اداب جامعة حلوان
حمادة : سنه كام بقى؟
ميادة : فى سنه اولى
حمادة : انا كمان فى اولى على فكره
ميادة : ايه ده فى جامعة حلوان
حمادة : لا لاسف انا فى جامعة القاهرة فى كلية حقوق
حمادة : بس احيانا بروح جامعة حلوان لصحابى ( المعلم بيرسم لبعيد ....)
ميادة : ( وايه رأيك فى جامعة حلوان هى احلى و لا القاهرة )
حمادة : طبعا القاهره بس حلوان بردوا جميلة
ميادة : اه هى حلوانمشكلتها الوحيدة الشمس
حمادة : هو انا مضايقك او معطلك عن حاجه
ميادة : لا خالص بس انا هقوم الوقتى عشان هروح اساعد ماما
حمادة : ماشى انتى هتعدى امتى تانى انا بعد دايما بعد الساعه 9 لحد 12
ميادة : عايز حاجه ؟
حمادة : شكرا وفرصة سعيدة
ميادة : باى
حمادة : باى
--------------------------------------------------------------------------
ميادة فتحت تانى يوم الساعة 9.30 وحمادة طبعا كان على الايميل طبعا اول لما لقى اسمها
بيدق على الياهو ام داس عليه علطوووووووووووووول
--------------------------------------------------------------------------
حمادة : هاى .. ازيك
ميادة : ازيك يا حمادة عامل ايه
حمادة : الحمد لله عملتى ايه فى الكلية النهاردة
ميادة : الحمد لله كان عندى محاضرتين بس ورجعت نمت شويه
حمادة : ربنا يكون فى عونك اصلى انا مبرحش الجامعة غير يومين فى الاسوبع
ميادة : ليه كده ؟
حمادة : انتى عارفه بقى الشغل
ميادة : انت شغال ايه
حمادة : انا عامل مشروع صغير شبكة نت و عندى محل كمبيوتر
ميادة : ربنا يكون فى عونك بس اهتم بدرستك اهم الوقتى
حمادة : ادينى بحاول انظم وقتى مبين الجامعة والشغل والموقع
ميادة : انا لسه محضرة خمس مواضيع يارب يعجبوك فى القسم بتاعى
حمادة : جميل خالص القسم شكله هيتغير على ايدكى
ميادة : ميرسى
حمادة : انتى عندك اخوات ؟
ميادة : لا للاسف انا مليش اخوات ولا ولاد ولا بنات .. وانت عندك اخوات ؟
حمادة : اها انا عندى اخت بنت وولدين
ميادة : انت الكبير ولا فى حد اكبر منك
حمادة : عندى اخ اكبر منى واخ اصغر منى واختى اصغر منى
ميادة : يا الساعه بقيت 12.30 لازم اروح انام عشان عندى محاضرات الصبح
حمادة : انا اسف انى عطلتك
ميادة : لا خالص اشوفك بكره على النت
حمادة : هستناكى الساعه 9 ماشى
ميادة : ماشى عايز حاجة ؟
حامدة : شكرا .. باى
ميادة : باى
--------------------------------------------------------------------------
طبعا الساعه جت 9 وهما الاتنين فاتحوا الياهو بتاع مستنين الايميل يدق الباب ( ههههه) والمرادى ميادة هى اللى بدأت الكلام
--------------------------------------------------------------------------
ميادة : هاى
حمادة : هاى ازيك عامله ايه
ميادة : الحمد لله انت عامل ايه
حمادة : الحمد لله
ميادة : انت بتحب مين من المغنين
حمادة : انا بحب هانى شاكر و اصالة
ميادة : انا بحب تامر حسنى وشرين
حمادة : اه انا بحب اسمع شيرين وتامر من الجداد رامى صبرى
ميادة : وبتحب مين من الممثلين
حمادة : بحب جدا احمد حلمى و احمد السقا
ميادة : انا بحب احمد حلمى و احمد السقا طبعا و احمد عز و كريم عبد العزيز
حمادة : طبعا كلهم حلوين
ميادة : ثوانى وجيه
حمادة : ماشى
ميادة : ( انا جيت ... بعد ربع ساعه ) معلش اتأخرت عليك
حمادة : ولا يهمك كنتى بتعملى ايه
ميادة : كنت بساعد ماما فى حاجات فى المطبخ
حمادة : بمناسبة المطبخ ياترا بتعرفى تطبخى ؟
ميادة : على ادى
حمادة : بتعرفى تعملى ايه
ميادة : بعرف اعمل رز و ملوخية و فراخ محمرة و مكرونة بشمل
حمادة : طيب دانتى ست بيت شاطره اهو
ميادة : يعنى بيقولوا عليا نفسى حلو فى الطبيخ
حمادة : طيب متعملى مكرونة بشمل وابقى ابعتيلى حتة مكرونة بشمل على الايميل هههه
ميادة : بس ابقى حضر التليفون عشان تطلب الاسعاف هههه
حمادة : يا الساعه بقيت 1.10 انتى موركيش كليه بكرة ولا ايه
ميادة : يا الوقت جرى بسرعه قوى انا هقوم بقى عشان اروح انام
حمادة : باى
ميادة : باى
--------------------------------------------------------------------------
طبعا هما متفقوش المرادى او اكلموا هى هتعد على النت ولا لا لانهم خلاص خدوا على كده
من غير ما يقولوا هيعدوا هههههه , فالساعة 9 بالظبط جت وفتحوا الايميلات
--------------------------------------------------------------------------
حمادة : هاى ازيك
ميادة : الحمد لله ايه احوالك
حمادة : الحمد لله .. رحتى الكلية النهارده
ميادة : اه كان عندنا محاضرات لحد الساعه 6 النهارده
حمادة : يااا ربنا يكون فى عنكم داحنا محاضرتنا بتخلص الساعه 2 مع الموظفين ههههه
ميادة :ههههههههههه
حمادة : شوفتى الصورة اللى على الايميل
ميادة : اه دى صورة مين ده
حمادة : دى صورتى وانا صغير
ميادة : ايه ده دى صورتك وانت صغير
حمادة : اه
ميادة : شكلها عسل خالص
حمادة : ربنا يكرمك ( وبعدين حط صورة ليه وهو كبير ) وقام قال وايه رأيك فى الصورة اللى ظهرة دلوقتى دى ؟
ميادة : اها دى صورتك وانت كبير شكلك متغيرش كتير عن صورتك وانت صغير
حمادة : اه واخويا الاصغر منى شبهى برده كده بالظبط
ميادة : ربنا يخلهلكم , انا حاسه انى مصدعة هقوم انام
حمادة : الف سلامة عليكى اجبلك دكتور
ميادة : ههههه على الايميل بردوا
حمادة : هههههههه خلاص قومى ريحى شويه وخدى برشامة صداع
ميادة : حاضر عايز حاجه ؟
حمادة : شكرا , ابقى طمنينى عليكى
ميادة : باى
حمادة : باى
--------------------------------------------------------------------------
حمادة فضل 5 ايام يعد على النت يستناها من اخر مره دى مبتعدش وفى اليوم السادس فتح الايميل بتاعها يا ححامدة فرح وطبعا داس على الايميل علطوووول
--------------------------------------------------------------------------
حمادة : يااااا فينك يا ميادة بقلك فترة مبتبنيش ( 5 ايام بقوا فترة واخدلى بالك انت )
ميادة : يااا ازيك يا حمادة عامل ايه
حمادة : الحمد لله ايه فينك انا قلت عليكى جدا
ميادة : انا كنت تعبانة ومش بروح الكلية ولا بعد على النت كان عندى دور برد جامد
حمادة : الف سلامة عليكى
ميادة : الله يسلمك
حمادة : طيب ممكن اطلب منك طلب انا مش بطلبه من اى حد
ميادة : اتفضل
حمادة : ممكن رقم موبايلك ؟
ميادة : (سكتت شوية ) وبعدين قالتله ليه ؟
حمادة : عشان خاطر لما غبتى الخمس ايام انا كان نفسى اطمن عليكى بس لو فيها مشكله بالنسبالك خلاص مفيش مشكله
ميادة : قالتله طيب رقم اهو xxxxxxxxxx
حمادة : طيب لو اتصلت بيكى ممكن اسببلك مشكلة ؟
ميادة : لا عادى
حمادة : فى رقم ظهر عندك الوقتى
ميادة : ايوة
حمادة : ده رقمى الخاص
ميادة : ماشى
حمادة : سجليه
ميادة : حاضر
حمادة : ابقى ادخلى اعملى كام موضوع بقى فى القسم عوضى الخمس ايام
ميادة : حاضر هخش اعملم واضيع الوقتى
حمادة : اوكى مستنى مواضيعك الجمادة
ميادة : حاضر
حمادة : انا مضطر اقوم النهاردة بادرى عشان عندى شغل معلش
ميادة : ماشى
حمادة : هبقى اتصل بيكى
ميادة : ماشى
حمادة : باى
ميادة : باى
--------------------------------------------------------------------------
طبعا حمادة مصدق ظأطط طبعا معاه رقم ميادة فتانى يوم الساعه 2.30 الظهر حمادة ايدوا عمالة تكلة على الموبايل قام جاب رقم ميادة ومتصل بيها
--------------------------------------------------------------------------
جرس التليفون : تيييييييييييييييييييييت , تييييييييييييييييييييت
ميادة : الو
حمادة : الو ازيك يا ميادة عاملة ايه
ميادة : الحمد لله ازيك
حمادة : الحمد لله
ميادة : ايه ده انت فى الكلية النهارده ولا ايه
حمادة : اه كان عندى محاضرة مهمة فحضرتها
حمادة : انتى عاملة ايه النهارده انا قولت لازم اتصل اطمن عليكى
ميادة : الحمد لله بقيت كويسه ونزلت الكلية النهارده
حمادة : الف سلامة عليكى ويارب نشوفك دايما بخير
ميادة : مييييرسى ( ياختى بيضة )
حمادة : هتعدى النهارده على النت
ميادة : اه هعد الساعه 9.30 كده
حمادة : ماشى هستناكى
ميادة : خلاص اوكى
حمادة : عايزه حاجه
ميادة : ميرسى
حمادة : باى
ميادة : باى
--------------------------------------------------------------------------
خلص حمادة اول مكالمة تليفون وبعدين كان مبسوط وروح فضل مستنى الساعه 9 تيجى عشان يعد على النت ويفتح الميل بتاعة وجت الساعه 9 وفتح حمادة الايميل ولاقاها فاتحة
--------------------------------------------------------------------------
حمادة : هاى
ميادة : هاى ازيك عامل ايه
حمادة : الحمد لله يارب مكنش ضايقتك باتصالى
ميادة : لا خالص
حمادة : بس تعرفى حاسس ان زى ما يكون صوتك مش غريب عليا
ميادة : ازاى ؟
حمادة : مش عارف بس حسيت انى كلمت قبل كده ولا يمكن عشان بقالنا كام يوم بنكلم
ميادة : ممكن وانا كمان حاسة انك مش غريب
حمادة : ممكن اطلب منك طلب مرة واحده بس
ميادة : طبعا اتفضل
حمادة : ممكن اشوف صورتك على الايميل مش تبعتهيالى حطيها على الايميل بس اشوفها
ميادة : لازم يعنى
حمادة : ياريت
ميادة : خلاص حطيت صورة ليا على الايميل بس هشيلها بسرعه ( يا عبنى )
حمادة : دى صورتك
ميادة : اه
حمادة : زى العسل
ميادة : ميرسى
حمادة : على فكرة انا جى جامعة حلوان يوم الخميس اللى جى هروح ازور صحابى واعد معاهم شويه
حمادة : انتى هتروحى الجامعة يوم الخميس ( يا معلم يا لعيب )
ميادة : اه عندى محاضرات لحد الساعه 3 ( يعنى بتقوليلوا انك هتبقى فاضيه من بعد 3 )
ميادة : انا مضطرة اقوم لان ماما عايزانى
حمادة : ماشى باى مستنيكى بكره على النت
ميادة : حاضر باى
--------------------------------------------------------------------------
وبكده يعتبر المرحلة الاولى كمرحلة تعارف وكلام عام خلصت وانتقلت الى
المرحلة الثانية : فين ( هنتقايل ) ؟ ..
[ندعوك للتسجيل في المنتدى أو التعريف بنفسك لمعاينة هذه الصورة][center]
|
|
| | تاريخ كتابة المُساهمة الأربعاء يونيو 30, 2010 5:44 am | |
| رد: قصه حماده ومياده
|
|
| | تاريخ كتابة المُساهمة الأربعاء يونيو 30, 2010 1:33 pm | |
| رد: قصه حماده ومياده
شكرا على المجهود
وتقبل مرورى
|
|
العضو المميز
