| تاريخ كتابة المُساهمة  السبت فبراير 25, 2012 6:13 pm | |
 | سيادة الرئيس ارجعلنا
سيادة المخلوع.. أرجعلنا
مش انت واحد مننا؟
وعمرك في يوم ما سرقتنا.
ولا خدت مليم مننا..
ما تيجي طب ترجعلنا
تقعد بأهلك وسطنا
أهو مرة تاكل أكلنا
وتلبس يا خويا من لبسنا.. وتعيش في حارة أو في شارع زينا.. قلت ايه؟
يا حارق دمنا.. سيادة المخلوع.. ارجعلنا.. وغداك يا سيدي عندي أنا.. رز
وبطاطس مسرطنة
لحمة؟ مفيش من سنة
فاكهة؟ تعيش أنت وأنا
والشاي.. بآخر معلقة م السكر اللي كان عندنا
أشرب وفوق وركز بقه.. علشان نكمل حكينا
سيادة الرئيس.. ارجعلنا
مش سبت الحكم.. لأجلنا؟
ما تيجي تسمع حكمنا.
أفكرك؟ ولا انت فاكر زينا
قطار اتحرق من كام سنة
وغازنا اللي طار من أرضنا.. لعدونا
وعبارة مللي بيغرقوا... غرقت في عرض البحر وراحوا أهلنا.. والجاني فلسع مننا
ومركبة بأحلى شباب.. ييجوا من ايطاليا غرقانين.. والقرش ياكل لحمنا
والله كانوا زينا.. ويمكن أحسن مننا
لهم بيوت وولاد وعيشة وحلم.. زي حلمنا
اتغربوا واتبهدلوا.. لما الفساد طال كل حاجة في أرضنا
واللي ما ماتش.. قاعد في غربته.. والغريب بيذلنا
اقول كمان؟ ولا كفاية.. واهو انت عارف عننا
اصبر هتسمع حكمنا
سيادة الرئيس.. ارجعلنا
ولو أنت واحد مننا.. فعلا يهمك أمرنا
بينا عالنائب العام.. تفتنله على ولاد الحرام.. مصوا بلدنا ودمنا
وافتن دي فتنة مش حرام.. ده حقنا
دا لو انت واحد مننا
اصبر هتسمع حكمنا
سيادة الرئيس. ارجعلنا
اقعد معانا وزينا
هعرفك..
دي (أم خالد) أمنا
ودول أهل (سالي) أهلنا
و(عمر بن بنونة) ابننا
فسر واحكي وقللهم.. وقللنا
واستسمح الروح اللي منورة في الجنة عند ربنا
هتقول مكنش قصدنا؟
دول ماتو غصب عننا؟
|
|
| | تاريخ كتابة المُساهمة السبت فبراير 25, 2012 7:16 pm | |
| رد: سيادة الرئيس ارجعلنا
اللهم لا ترجعها علينا ايامه
|
|
| | تاريخ كتابة المُساهمة السبت فبراير 25, 2012 10:27 pm | |
| رد: سيادة الرئيس ارجعلنا
سيادة الرئيس.. ارجعلنا
مش سبت الحكم.. لأجلنا؟
ما تيجي تسمع حكمنا.
أفكرك؟ ولا انت فاكر زينا
قطار اتحرق من كام سنة
وغازنا اللي طار من أرضنا.. لعدونا
[/b] [ندعوك للتسجيل في المنتدى أو التعريف بنفسك لمعاينة هذه الصورة]
|
|
العضو المميز
عضو مميز
