| تاريخ كتابة المُساهمة  الإثنين سبتمبر 19, 2011 7:46 pm | |
 | ثوره جياع
ثوره جياع
دى الحاجه ام الاختراع
لو فى عندك ثوره جياع
حنعمل ايه
لازم يكون عندك ابداع
اوعه تشكى من الصداع
يا سعاده البيه
الكل لازم يشتغل
ويجتهد ويلاقى حل
مش يكتئب وكمان يمل
يبكى يقول انا ذنبى ايه
ويخدها جد ومش خداع
دى الحاجه ام الاختراع
الميه ما تفرطش فيها
بكره تتعب لجل تلاقيها
والارض البور لازم تزيد
مدام فينيتو اللى حيرويها
يا ريت تسمعنى باقتناع
دى الحاجه ام الاختراع
العيش بلاش تاكله الفراخ
فى ناس بتاكل م السباخ
وناس وحوش
ما بيرحموش
عاوزين علاج للانتفاخ
من كتر السرقه والانتفاع
دى الحاجه ام الاختراع
لازم نفوق يا ناس بجد
نبنى البلد بلاش نهد
ونلم بعض ونتحد
لحسن نضيع
وسط الربيع
ونقول للدنيا كمان وداع
دى الحاجه ام الاختراع
|
|
| | تاريخ كتابة المُساهمة الثلاثاء سبتمبر 20, 2011 12:43 am | |
| رد: ثوره جياع
|
|
العضو المميز
عضو مميز
