| تاريخ كتابة المُساهمة الجمعة يوليو 29, 2011 8:32 am | |
| خلى الميدان صاحى.. قصيدة جديدة لجمال فتحى
خلى الميدان.. صاحى خلى الميدان.. صاحى الثورة أمى.. والميدان أبويا وكل واحد حر.. جوه الميدان يبقى أخويا.. أنا اللى قالوا عليا مواليد يناير.. نزلت من بطن الغضب.. ثاير.. ولسه واقف فى الميدان ددبان.. بحرس ميدانى.. من الخسيس.. والجبان.. بحرس ميدانى.. من الفلول.. والديول.. وصوتى هو.. درعى.. وسلاحى
خلى الميدان.. صاحى خلى الميدان.. صاحى ثورتنا صاحية لحد.. يوم القيامة وجوه قلب الميدان.. مليون علامة مليون دراع فـ دراع.. وكف فـ كف عملنا دايرة.. وسور.. وخيمة.. وصف بايتين جوه الخيام.. وعنينا سهرانة والسهرة علشانك.. يا مصر صباحى
خلى الميدان.. صاحى خلى الميدان.. صاحى فيه دم طاهر سال.. وساب مرسال قال حقى متعلق.. فـــ رقبة الأندال مين اللى قال إنى.. مشيت ونسيت دنا لو هاسيب الميدان كأنى سبت البيت حق الشهيد فى الميدان.. وأنا عـ الميدان حارس فيه اتولدت.. ومنه بيبتدى كفاحى
خلى الميدان.. صاحى خلى الميدان.. صاحى
|
|
| |
| تاريخ كتابة المُساهمة السبت يوليو 30, 2011 1:36 am | |
| رد: خلى الميدان صاحى.. قصيدة جديدة لجمال فتحى
هي فين القصيدة يا نقشبندي
يا عم خلية مع ابراهيم عيسي في الدستور
مالة ومال الشعر
|
|
| تاريخ كتابة المُساهمة السبت يوليو 30, 2011 1:49 am | |
| رد: خلى الميدان صاحى.. قصيدة جديدة لجمال فتحى
هو انت يا ابو يحيى مش تعرف تجامل ابدا
|
|
| تاريخ كتابة المُساهمة الخميس أغسطس 04, 2011 4:17 am | |
| رد: خلى الميدان صاحى.. قصيدة جديدة لجمال فتحى
- ناصر جاد كتب:
- هو انت يا ابو يحيى مش تعرف تجامل ابدا
رد يا حج يا تجامل يا تنافق يا هتبقى من النظام القديم
|
|
| تاريخ كتابة المُساهمة الخميس أغسطس 04, 2011 9:52 am | |
| رد: خلى الميدان صاحى.. قصيدة جديدة لجمال فتحى
- النقشبندى كتب:
- ناصر جاد كتب:
- هو انت يا ابو يحيى مش تعرف تجامل ابدا
رد يا حج يا تجامل يا تنافق يا هتبقى من النظام القديم أختار الاولي مع أن الاولي اسرع الطرق للثانية والثالثة،
جمال فتحي شاعر وأجدع من الفرزدق كمان!! فكرتني
بقصة المرآة الباغية والرجل العابد التي خيرته
بين شرب الخمر والزنا وقتل الطفل
فشرب الخمر فزنا وقتل الطفل
خلي الميدان صاحي،
|
|