| تاريخ كتابة المُساهمة  السبت مايو 28, 2011 1:08 am | |
 | أمـثـال مـصـريـة
حبيبك يقرقش لك الزلط .. وعدوك يتمنى لك الغلط
اكفي القدرة على فمّها تطلع البنت لامها
حامل ومرضعة .. وساحبة اربعة
طالعة الجبل تجيب دوا للحبل
فوت على عدوك معـرّش ولا تفوت عليه مكرش
قال ديب بلع منجل .. قالوا الشطارة مش في بلعه
اللي يشيل قربة مخرومة بتخر على راسه
اللي بياكل على ضرسه ينفع نفسه
سكينة الأهل ما تجرح
زمّار الحي ما يطرب
خللي حبك في قلبك أو ( عبك )
اللي بياكل بصل ريحته بتبان
الحداية ما بترمي كتاكيت
دبور زن على خراب عشه
يا مستكتر .. الأيام أكتر
الجايات أكتر من الرايحات
اللي ما تحتاج وشه بكرة تحتاج قفاه
ولا خرقة ( أو خلقة )على الكوم الا وشافت لها يوم
اجري جري الوحوش غير رزقك ما تحوش
حلم الجوعان رغيف قمح
الفرخة بتحلم بسوق الحَب
عشم ابليس في الجنة
كبوا القهوة من عماهم وقالوا الخير جاهم
الفاضي يعمل قاضي
قاضي الحريم اشتكى
اللي ما ينفع آدية ينفع شناوي
حرّصوا الديب على الغنم
مسّكوا القط مفتاح الكرار
سمك لبن تمر هندي
ودنك منين يا جحا
أحمد اخو الحاج أحمد
ما يعجبوش العجب ولا الصيام في رجب
طول ما انت طبّال وانا زمّار .. ليالي الأنس تجمعنا
مبروم على مبروم ما يركبشي
لبّس البوصة تبقى عروسة
قالوا الجمل طلع النخلة .. قال آدي الجمل وآدي النخلة
المَـيّة تكدب الغـطاس
ما ينوب المحجز الا تقطيع هدومه
ضربني وبكى وسبقني واشتكى
يا بخت من كان له وما كانشي عليه
يا بخت من بكاني وبكى الناس عليّ ,, ويا ويل من ضحكني وضحك الناس عليّ
ما دام معانا القمر .. ايه لازمة النجوم
هبلة ومسكوها طبلة
يعملوها الصغار ويقعوا فيها الكبار
اللي يحفر بير لأخيه يقع فيه
اللي على راسه بطحة يحسس عليها
يحسدوا الغجر على ضل الشجر
بصلة المحب خروف
لاقيني ولا تغديني
اقرع ونزهي
اقل موال بينزه صاحبه
اوحش عيشة احسن من احسن موتة
الكعكة في ايد اليتيم عجبة
قالوا للبغل ابوك حمار قال بس امي فرسة
اللي ما تعرف ترقص تقول القاع عوجة [/b]
|
|
| | تاريخ كتابة المُساهمة السبت مايو 28, 2011 9:55 am | |
| رد: أمـثـال مـصـريـة
رائع جداً يا نقشبندي
تسلم يدك على الامثال الحلوه دي
[ندعوك للتسجيل في المنتدى أو التعريف بنفسك لمعاينة هذه الصورة]
|
|
| | تاريخ كتابة المُساهمة السبت مايو 28, 2011 9:58 am | |
| رد: أمـثـال مـصـريـة
اسعدنى مرورك وتواجدك اخى الكريم بارك الله فيك
اشرقت صفحتي بوجودك
وبانتظار المزيد منك
دمت بحفظ الرحمن
|
|
العضو المميز
عضو مميز
