| تاريخ كتابة المُساهمة الإثنين نوفمبر 15, 2010 6:54 pm | |
| كيفية الدفاع في الجنح والجنايات
كيفية الدفاع في جنح والجناياتزملائي الأعزاء يسعدني أن نتحدث عن كيفية قراءة محاضر الجنح وأسلوب الحصول على أحكام البراءة وكيفية التعامل معها إعداد المذكرات والدفوع فيها
أولا ـ كيف تترافع ؟؟؟:إليكم هذه الملاحظات الهامة بشكل عام 1 ـ إيضاح لابد منه اى قضية جنحة أو جناية لابد أن تقرأ القيد والوصف وهو مواد الاتهام حتى تعرف وتفهم كيف تسير في دفاعك عن موكلك. 2 ـ وأنت تترافع انتبه جيدا لكلام القاضي و انفعالاته فقد يكون سارحا حاول أن تنبهه بلطف بتغيير بنبرة صوتك في المرافعة مثلا، وإذا استكفى سيبدوا عليه ذلك بكلمة مثلا ( قوله ـ بناء عليه ) ، نعم هناك ملكات فطرية لا تعلم لكن هناك أمور أكثر تكتسب بالتمرس والتمرين والخوف والقلق يجب أن تعلموا أنها بداية النجاح ولكن بعيدا عن الخوف والقلق الذي يشل التفكير ويهزم الإنسان ، ثق في نفسك ، أنت محام جيد. 3 ـ الهدوء ثم الهدوء وعدم التسرع في الكلام التسرع يولد الأخطاء و تكلم مع القاضي باحترام ، كأنه شخص عادى يحاول أن يفهم منك ولا تخف منه أنت بشر وهو بشر. ـ يستحسن أن تبدأ مرافعتك بإثبات دفوعك كلها مرتبة في محضر الجلسة حتى تمتص رهبة الوقوف أمام المنصة وإذا وجدت القاضي انصرف عنك وتكلم مثلا مع الحاضرين في القاعة مثلا اصمت ولا تتكلم إلا عندما يطلب منك فالمحامى الشاطر ليس (ريكوردر) أنت تترافع عشان تاخد براءة مش رايح تسمع اللي أنت حافظه بداهة كيف تكلم من لا يسمعك ؟ 4 ـ بعد الانتهاء من المرافعة قدم مذكرة غالبا القاضي أمامه مئات القضايا قد يدخل المداولة وينسى حتى دفاعك ، وبذلك تكون قد قمت بعملك على أكمل وجه وضميرك ارتاح وإذا راجع عليك احد ما وجد لديك تقصير. ثانيا ـ كيف تدرس وتعد الدفوع في المذكرات :نقطة هامة جدا: ( تختلف الدفوع من قضية لأخرى ) مثلا جنحة الضرب غير جنحة التبديد جناية المخدرات غير جناية القتل ونحاول أن نضع قاعدة نريح بها زملائنا في العمل وهى أن هناك : 1 ـ الدفوع الموضوعية : وقعها هام في جرائم النفس وسرقة الأموال(التبديد والسرقة والنصب) المهم فيها الموضوع وأركان الجريمة وتطبيق مواد القانون على الفعل نفسه والقيد والوصف ومدى صحتهما .
[ندعوك للتسجيل في المنتدى أو التعريف بنفسك لمعاينة هذه الصورة]
|
|
| تاريخ كتابة المُساهمة الإثنين نوفمبر 15, 2010 7:18 pm | |
| رد: كيفية الدفاع في الجنح والجنايات
ممكن يا متر اعرف الفرق بين الجنحه والجنايه وليه في بعض الجنح فيها حبس اكتر من خمس سنين
|
|
| تاريخ كتابة المُساهمة الثلاثاء نوفمبر 16, 2010 12:37 am | |
| رد: كيفية الدفاع في الجنح والجنايات
طبعا يا ابو منار السؤال ده مش هيسئله غير واحد فاهم فى القانون وكمان فاااااااااهم قوى (اكيد انت عارف اقصد ايه ومين ) وعلى العموم انا هجاوب الجنحه: الجنح دى اللى الجرائم فيها بتكون العقوبة بالحبس أو الغرامة زى جرائم الضرب واستعمال القسوة من ضباط الشرطة أو جريمة الإحتجاز بدون وجه حق وأشد عقوبة فيها الحبس 3 سنين والجنح ليها محكمة اسمها محكمة الجنح وبيحكم فيها قاضى واحد وفى كل قسم شرطة فى محكمة جنح مخصصة لمحاكمة المقيمين بدائرة القسم يعنى المقيمين مثلا فى البلينا تبقى محكمة الجنح اللى تبعهم محكمة جنح البلينا ومش لازم المتهم يحضر بنفسه ممكن يحضر عنه محامى بتوكيل ماعدا قضايا السرقة والبرشام لازم المتهم يحضر بنفسه وأحكام محكمة الجنح ممكن المتهم يستأنفها فى محكمة اسمها محكمة الجنح المستأنفة وبيحكم فيها تلات قضاة ويتوقف تنفيذ الحكم لحد ما المحكمة تحكم ماعدا بعض الجرائم اللى فيها الحبس وجوبى زى جريمة السرقة أو إحراز أقراص مخدرة " برشام " وممكن الحكم يتلغى اللى طلع من محكمة الجنح وممكن يتأيد لكن فى كل الأحوال المتهم ممكن يعمل نقض فى الحكم وفى محكمة النقض ممكن تتعاد المحاكمة مرة تانية بس محكمة النقض مبتوقفشى تنفيذ العقوبة سواء كانت حبس أو غرامة.
الجنايات: الجنايات يعنى الجرائم الكبيرة زى القتل والتجارة فى المخدرات والتعاطى والسرقة واللى يعمل عاهة مستديمة أو اللى يعذب متهم عشان يخليه يعترف والمتهمين فى الجرايم دى بيتحاكموا فى محكمة اسمها محكمة الجنايات وطبعا أى حكم بعقوبة من محكمة الجنايات اسمها سجن مش حبس يعنى مينفعشى نقول حكمت محكمة الجنايات بحبس والصح نقول حكمت محكمة الجنايات بسجن لأن فى فرق بين حكم الحبس اللى بيطلع من محكمة الجنح وحكم السجن اللى بيطلع من محكمة الجنايات عشان الحبس كعقوبة أخف من حيث المعاملة والمكان داخل السجن ومفيش حبس مشدد لكن السجن ممكن يكون مشدد والمتهم لازم يقضى المدة كلها بدون إفراج بعد مضى مدة من سجنة ولازم أقل مدة للسجن المشدد 3 سنين ومتزيدشى عن 15 سنة ومكان السجن بيبقى مشدد ، والعقوبات فى محكمة الجنايات تلات أنواع وهيه السجن والسجن المشدد والسجن المؤبد والإعدام وأحكام محكمة الجنايات بتصدر من تلات مستشارين وفى كل الأحوال مفيش استئناف للأحكام بعد الحكم بالسجن المتهم بيروح ينفذ العقوبة وطبعا ممكن المتهم يعمل طعن فى الحكم فى محكمة النقض لكن محكمة النقض مبتوقفشى تنفيذ العقوبة بيفضل المتهم مسجون ولو محكمة النقض الغت الحكم تتعاد المحاكمة تانى فى محكمة الجنايات غير المحكمة الأولانية يعنى بيتغير القضاة اللى حكمه عليه قبل كده والمتهم يفضل مسجون لحد ما يصدر حكم فى إعادة المحاكمة لحد ما تحكم المحكمة بالبراءة أو بتأييد الحكم بالسجن وملحوظة تم الغاء عقوبة الأشغال الشاقة.
نورت المحكمة ولا اوضح تااااااااانى انا مستعد
|
|
| تاريخ كتابة المُساهمة الثلاثاء نوفمبر 16, 2010 1:09 am | |
| رد: كيفية الدفاع في الجنح والجنايات
لا يامتر انت ماتعرفنيش انا يا سيدى طالب فى السنة الاخيرة من اليسانس
|
|
| |
| تاريخ كتابة المُساهمة الخميس نوفمبر 18, 2010 2:22 pm | |
| رد: كيفية الدفاع في الجنح والجنايات
|
|