العشرة الأوائل لطلبة بني حميـــل في الشهادة الثانوية الأزهرية القسم الأدبي

تاريخ التسجيل : 02/04/2010

من المسئول عن هذة الكارثة ؟ يتقدم للامتحان 193 طالب وينجح عشرة فقط ،

هل المسؤول هو المعلم ؟ وهوالأكثر علماً بمستوي الطالب أم المسؤول ولي الامر الذي

ربما لايعلم شئ عن مستوي ابنة أم المسؤولية مشتركة ؟

ليتنا نتخذ من الماضي درساً للمستقبل

هؤلاء هم العشرة الناجحين

الف مبروووووووووك للعشرة الأوائل

اسم الطالب: اسامه محمد عبد الستار محمد
الدرجات: 382
.......
اسم الطالب: حسن فرج اللاه حسن نجدى
الدرجات: 464
........................
اسم الطالب: حماده جمعه على حسن
الدرجات: 398
..................
اسم الطالب: حماده عبد السميع ايوب ابراهيم
الدرجات: 444
...........................
اسم الطالب: عبد الهادى عبد الرؤف محمد الدرملى
الدرجات: 423
...................................................
اسم الطالب: عرفه محمد السيد عيسى
الدرجات: 476
.........................................
اسم الطالب: محمود حمدتوا عبد الصبور محمد
الدرجات: 379
............................

اسم الطالب: مصطفى سعد الدين مصطفى سالم
الدرجات: 340
..........................................

اسم الطالب: معاذ امين تغيان كمال الدين
الدرجات: 369

.......................
اسم الطالب: هشام عبد الحميد عبد الرحيم عبد اللطيف
الدرجات: 372
.............................

حظاً أوفر لباقي الطلاب

تاريخ التسجيل : 30/10/2010

والله يا ابويحيي
العمله مشتركه ما بين اهمال من المدرسه
واهمال من اولياء الامور
والطالب زي اللي مليهوش دعوه
لا يعرف هدف ولا طموح ولا حاجه بس عايز يراضي والديه
انه اهووووووو بيروح المدرسه
بس نتمني من الله ان الامور تتغير زي ما البلد كلها اتغيرت
وتكون للافضل ان شاء الله

تاريخ التسجيل : 02/04/2010

نتمنى ذلك ان شاء الله أخي البروفــــــــــــــــ وفعلاً يحصل تغيير إلي الأفضل

لك خالص تحياتي

تاريخ التسجيل : 07/06/2011

البروفسير كتب:: والله يا ابويحيي
العمله مشتركه ما بين اهمال من المدرسه
واهمال من اولياء الامور
والطالب زي اللي مليهوش دعوه
لا يعرف هدف ولا طموح ولا حاجه بس عايز يراضي والديه
انه اهووووووو بيروح المدرسه
بس نتمني من الله ان الامور تتغير زي ما البلد كلها اتغيرت
وتكون للافضل ان شاء الله

فعلا دا اللى بيحصل والله
الف مبروك لابناء العائله على النجاح
اسم الطالب: حسن فرج اللاه حسن نجدى
الدرجات: 464

و اسم الطالب: عرفه محمد السيد عيسى
الدرجات: 476

اسم الطالب: عبد الهادى عبد الرؤف محمد الدرملى
الدرجات: 423
والف مبروك لباقى الطلاب وربنا يوفق الجميع

تاريخ التسجيل : 12/10/2010

طرح رائع يا ابو يحيى
ومن الممكن ان نجعله نقاش بين الاخوه الاعضاء ومنهم الطلاب
ومنهم المدرسين
ومنهم اولياء الامور اللى زى حلاتى مش عارفين يعملو ايه
انا من وجهة نظرى المتواضعه كل العيب على المدرس
اللى اصبح اجشع خلق الله كل همه هى الدروس الخصوصيه
ونهب اولياء الامور بحجه مستويات الطلبه
المتدنيه ويا ريت الاخوه المدرسين زى ما بيطالبو بزياده المعشات والحوافظ
والكلام الكتير اللى بيتكلمو فيه ده زى ما بيطالبو بحقوقهم يشتغلو بضمير شويه
ويراعو ربنا فى عملهم ويشرح المدرس شويه ويحاول يفهم الاولاد فى الحصه
ويعامل كل الطلبه اللى بياخد عنده درس زى اللى مش بياخد عنده ويشرح للكل ويحاول يفهم الكل

تاريخ التسجيل : 22/05/2012

[ندعوك للتسجيل في المنتدى أو التعريف بنفسك لمعاينة هذه الصورة]

تاريخ التسجيل : 22/05/2012

فعلا دا اللى بيحصل والله
الف مبروك لابناء العائله على النجاح

و اسم الطالب: عرفه محمد السيد عيسى
الدرجات: 476
اسم الطالب: حسن فرج اللاه حسن نجدى
الدرجات: 464
اسم الطالب: عبد الهادى عبد الرؤف محمد الدرملى
الدرجات: 423
والف مبروك لباقى الطلاب وربنا يوفق الجميع

تاريخ التسجيل : 02/04/2010

ورطنا يا نصر الدين مع المدرسين

انا عارف من الطلبة أبناء مدرسين وعندهم دور ثاني

والله المسؤولية مشتركة

وبعدين مش غريبة 3 من العشرة الاوائل من بيت أبو الروس انا مش بحسد انا باقر

تاريخ التسجيل : 22/05/2012

ناصر جاد كتب:: طرح رائع يا ابو يحيى
ومن الممكن ان نجعله نقاش بين الاخوه الاعضاء ومنهم الطلاب
ومنهم المدرسين
ومنهم اولياء الامور اللى زى حلاتى مش عارفين يعملو ايه
انا من وجهة نظرى المتواضعه كل العيب على المدرس
اللى اصبح اجشع خلق الله كل همه هى الدروس الخصوصيه
ونهب اولياء الامور بحجه مستويات الطلبه
المتدنيه ويا ريت الاخوه المدرسين زى ما بيطالبو بزياده المعشات والحوافظ
والكلام الكتير اللى بيتكلمو فيه ده زى ما بيطالبو بحقوقهم يشتغلو بضمير شويه
ويراعو ربنا فى عملهم ويشرح المدرس شويه ويحاول يفهم الاولاد فى الحصه
ويعامل كل الطلبه اللى بياخد عنده درس زى اللى مش بياخد عنده ويشرح للكل ويحاول يفهم الكل

السلام عليكم ورحمة الله وبركاتة

اولا اتقدم بخالص الترحيب للاعضاء الكرام جميعا
ثانيا :بالنسبة الى عملية التدريس ((والمعلم خصوصاً)) احب اطرح وجهة نظرى الى الجميع المعلم مثل ما يقول الاستاذ (ناصر ) فعلا نسبة كبيرة اصبح كل همهم الدروس الخصوصية تمام بس الدروس الخصوصية ليس نهب لاولياء الامور انما هى تميز الى مستوى الطلبة فعلا
وليس الكل طبعا .
اما النقطة الثاتية وهى المدرس داخل العمل المعلم ليس علية رقيب (ومحدش يقول مثلا التوجية الادارة ولا اى حد )المعلم ان لم يراعى ضميره فسدت العملية التعليمية .واذكركم جميعا ان بعض المدرسين قسما بالله منهم من يبذل اقصى من جهدة داخل العمل وكثير منهم وليس قلة
ومنهم من لايراعى ضميره .
اما بالنسبة للطالب وولى الامر كلنا لدينا طلاب فى مراحل الدراسة المختلفة ونرى ذلكم فى المدارس والمعاهد وفى الشارع والمنزل الطالب لايسأل فى المنزل امتى رجعت ولا انت اخذت اية ولا عليك واجب اية ولا اى من ذلك وهذا هو سبب رئيسى فى المشكلة عندما تذهب عملك وترى الموجودين بالعمل اتوا ليس للعمل وانما اتوا حضور فقط ( سد خانة )ما رد فعلك .
ما نواجهة بالمدارس طلبة تاتى المدرسة (رضاء لطلبات ولى امرة روح المدرسة) وليس للدراسة الطالب ياتى لامعاة كتاب وكراسة ولا قلم انما اتى لكى يسد عجز مكانة فى المدرسة عندما ياتى الطالب المدرسة ولا يعلم ما علية اليوم ياتى اليك وليس فى عقل الدراسة انما يفكر امتى هينتهى اليوم ماهو رد فعلك انت كمدرس هل فى ذلك تحمس لعملية التدريس عندما تتكلم معهم ليس لديهم طموح ولا افكار للدراسة واكمالها انما هى عبارة عن ارضاء الى ولى امرة اكمل الثانوية وتبقى تتعدل اكمل الثانوية وابقى اسافر

اما بالنسبة لعميلة المطالبة بالحقوق فهذا سبب رئيسى فى العملية التعليمية ان لم يكتفى المعلم من مهنتة فليس لدية وسيلة اخرى غير انة يكملها اما بالدروس الخصوصية وهى ما نشكى منة او بعمل مشروع اخر ومنهم من يقوم بعمل بعض المشاريع التى تكون غير مناسبة الية بالنسبة لعملة (ومثال بسيط لو معلم مكتفى من عملة ماديا هل يفكر يوما انة يجيب توكتوك ويشتغل علية وياتى بة الزمن لكى يصادف احد التلاميذ الموجود بالمدرسة يكون سائق مثلة تخيل مدى فكر الطالب الى المدرس هل هو زميل لة ام انة مدرسة )

تاريخ التسجيل : 22/05/2012

ابو يحيي كتب:: ورطنا يا نصر الدين مع المدرسين

انا عارف من الطلبة أبناء مدرسين وعندهم دور ثاني

والله المسؤولية مشتركة

وبعدين مش غريبة 3 من العشرة الاوائل من بيت أبو الروس انا مش بحسد انا باقر

والله ياابو يحى هى مش غريبة قوووى يعنى بس الثلاثة يستاهلوا والله
وربنا يوفق الجميع ان شاء الله
drunken

تاريخ التسجيل : 02/04/2010

والله يا أبو مروان انا فرحان بيهم زيكم بسم الله ماشاء الله ربنا يوفقهم ويحرسهم
وان شاء الله قريباً نشوفهم دكاترة في الجامعة ،
وأكيد هم يستاهلوا مع المستوي المتدني اللي احنا شفناه علي المستوي العام
وفي نفس الوقت حزين علي المستوي العام لباقي الطلبه ،
المفروض في ربط بين المدرسة اوالمعهد وولي الأمر حتي يعلم ولي الامر مستوي
ابنة ، مع مراعاة الضمير لبعض المدرسين ، وكل واحد يحاول الاصلاح من طرفه

والف مبروووووووووك لأبناء آل الروس وبني حميــل

تاريخ التسجيل : 22/05/2012

هو المفروض يكون في ربط بين المدرسة اوالمعهد وولي الأمر بس الكلام دة مش بيتنفذ حتى فى اجتماعات مجلس الاباء والامناء
وربنا يصلح حال الجميع

الله يبارك فيك وعقبال الجميع ان شاء الله

تاريخ التسجيل : 12/10/2010

اخى محمد انت اشارت الى عده نقاط هامه فى الموضوع
واهمها ان بعض المدرسين لا يراعى ضميره فى عمله
ولكن انا اختلف معك فى وصف ان المدرس اللى بيعطى الطلاب دروس
خصوصيه هى للتميز
اخى الغالى لو اجتهد المدرس فى الحصه
وحاول يوصل المعلومه للطالب لم يحتاج الطالب الى الدروس الخصوصيه
ولم يذهب الطالب ويبحث ولى الامر الى مدرس لكى يحسن مستوى
ابنه ولكن المدرس بيترك الطلاب ضايعين ومش بيشرح اثناء الحصه عشان يطر والى الامر ان يبحث عن
المدرس الهمام لكى يحسن مستوى ابنه
ثانيا كلنا مش مختلفين ان المدرس لازم يكون دخله كويس
بس كمان من العيب ان المدرس يكون استغلالى ويستغل ظروف البلد
زى ما حصل فى بدايه العام الدراسى وقام كل المدرسين عاملين اضراب
وهما اكتر ناس عارفين الظروف اللى بتمر بيها البلد
واخدو العام الدراسى كله لعب وضيعو العام الدراسى على الطلاب
وادى النتيجه قدامك 193 طالب نجح منهم 10 بس والباقى فى الكزوزا زى ما بيقولو
ثالثا
يا عمى ابو يحيى ان قد اى مدرس يرد عشان انا دمى محروق منهم كلهم بس يا ريت
مدرس من المدرسين اللى شغال فى المعهد الدينى للفتيات بنى حميل عشا اشوف ليه البنات
لكها نتيجها زى الزفت وكانو فين طول السنه المدرسين
عشان انا كل ما اسئل البنت ليه مش بتروحى المعهد تقولى مفيش مدرسين بتيجى

تاريخ التسجيل : 02/04/2010

طيب طالما قد المدرسين فاكر اغنية حنان رايقة متروقش ليه اي والله

المدرسين عندهم اغنية تاني

اسمها ساقطة ما تسقطش ليه اي والله ،

يا تروح تشوف لك معهد طابخ في النوارة

تاريخ التسجيل : 07/05/2010

القصه مش قصه دروس خصوصيه العيب قالطلاب والله الاول والمدرسين ثانيا

الطالب مبقاش يحترم المدرسين واكيد احنا سمعنا قبل كده عن الاشتباكات اللي كانت بتحصل

والمدرسين هما اللي بيهزؤو نفسيهم ممكن تلاقي مدرس يسأل تلميذعلي سيجاره وعلي ؟؟؟

وبيسأل علي حجات كتير وبعد كده تلاقيه اخد علي الطلبه وهما اخدو عليه هزار وضحك

الجيل اتغير عن الجيل وانتم ادري بجيلكم وجيل اليومين دول

والف مبروك للناجحين

تاريخ التسجيل : 02/04/2010

طب وماله يا حج ايمن ان كبر تلميذك خاوية عادي خليهم يشربوا سجاير
[ندعوك للتسجيل في المنتدى أو التعريف بنفسك لمعاينة هذه الصورة]

تاريخ التسجيل : 22/05/2012

اخى ناصر حكاية اجتهاد المعلم داخل الفصل كما قلت سابقا دى حكاية ضميرة .
اما بالنسبة لعملية الشرح داخل الفصل ممكن يشرح المدرس ويعمل مايرضية ضميرة ولكن ليس لدى دى الطالب فهم او صول معلومة . ( ودى النقطة المهمة جدا )
وهى ان الطالب فى مرحلة البداية لم يتم تأسيسة وترجع ذلك لعاملين وهما مرحلة ما قبل المدرسة ومرحلة المدرسة الابتدائية .
مرحلة ما قبل المدرسة وهى فيها يتعود الطالب على القلم والكراسة والمذاكرة فيدخل الدراسة وعندة معلومة ما سوف يحصل داخل الدراسة .
مرحلة المدرسة الابتدائية وهذا ما نراة باعيننا وهو عيب كل العيب على الوزارة وتوزيعها للمدرسين وفيها لايراعى التخصص ولا يراعى المادة التى يقوم بتدريسها دى واحدة اما التانية وهى المدرس اللى فى الابتدائى ان لم يبذل اقصى من جهدة فلا تتم من بعدة مرحلة الدراسة وهذا ما نعانى منة فعلا .
طالب فى المرحلة الاعداية لايقرا ولايكتب انت هتعمل اية معاة .......
هل تقوم بتعليمة عملية القراءة والكتابة ؟ وترك المنهج الدراسى ؟
ام انك تقوم بشرح منهجك ومقر الوزارة وترك الطالب وفى كلتا الحالتين فان الطالب لايكون لدية الدافع كما فى مرحلة الطفولة .
ثانيا: بالنسبة لعملية الاضراب والاحتجاجات فى من قام بها قلة وليس الكل وكانت عبارة عن ضغط على القيادات لنفيذ المطالب طبعا وليس اهمال للطلاب .
اما بالنسبة للتعليم الازهرى
دى ياباشا فاشل فاشل الى مالا نهاية ان دارس فى الازهر ومتخرج منة واستلمت الشغل فى المكان اللى كنت ادرس بية غصب عنى وتركت الشغل علشان عارف نظام تعليم الازهر ليس نظام ناحج وانما هو نظام فاسد اداريا وقياديا وكل ماتتخيلة طلاب في منتهة قلة الادب ليس لديهم اى شعور بانهم ازهريين ولا احترام للمدرس ولا لغيرة .... تخيل انك تدخل المعهدوتلاقى مفيش اى انضباط نهائيا .

ام بالنسبة للمعهد الدينى فتيات فستاذن اخى ابو يحى وارد عليك برد بسيط .
اغلب المدرسين الذين يعملوا فى الفتيات من المخلصين فعلا بالتدريس سواء كانوا من البلد او من خاجها
والدليل على ذلك ان طالبة بالصف الثالث الثانوى (علمى ) حصلت على مجموع 99.8% من غير ماتاخذ اى درس خصوصى .

تاريخ التسجيل : 02/04/2010

عارف يا أبو مروان انا معاك في كل كلمة بسم الله ما شاء الله عليك ردك ، رد انسان فاهم
وفاهم دي كلمة قليلة عليك ، وتستاهل تكون عالم من ظهر عالم وربنا يبارك
لك في كل قرش تاخدة من عملك ،
فعلاًجزء كبير من المستوي المتدني يقع علي عاتق الطالب وعدم احساسه بالمسئوليه لو الطالب عايز يفهم هيحاول يفهم وهيجبر معدومي الضمير من المدرسين علي الشرح ، ونتمني من الله ان يكون ما حدث في هذا العام درس للإصلاح في الأعوام القادمة لكل مقصر سواء ان كان من المدرسين او من اولياء الامور اوالطلبة

تاريخ التسجيل : 03/05/2010

موضوع حساس يا ابو يحيى

ولو بصينا على الايام دى هتلاقى برقع الحياء اتنزع من الناس

فاكر ايام زمان اما الواحد كان بيشوف مدرس من على اول الشارع كان الواحد يختفى زى ما يكون عامل عاملة

اما دلوقتى المدرس بيشوف الطالب ف الشارع وعاوز يتهرب منة علشان ما يهزرشى معاة

واولياء الامور زمان كان الواحد اول ما يجي من الامتحان حليت كام سؤال تعالى راجع معاى واخر ما يخلص معاك مين كان مراقب عليكم الاستاذ الل ما بيغشش اة احسن علشان تذاكر من اول السنة وانا خشمى اتنبح

اما الايام دى اول سؤال بيسألة للواد مين كان مراقب عليكم واداكم كام سؤال ثلاثة بس من اربعة وانت ما عرفتش تجيب لك حتى نقطة من السؤال الرابع ولا حتى اى حاجة تلف حوالية طيب روح شوفلك لقمة كلها وحاول تعرف بكرة مين هيجيكم علشان انروحولة

اكيد هو دة الكلام اللى حاصل ولا انا غلطان

تاريخ التسجيل : 22/05/2012

[quote="ابو يحيي"]

يا تروح تشوف لك معهد طابخ في النوارة

ابويحيى انت عارف الكلمة دى ذكرت كتيررر قوووى فى البلد والناس مش فهماها خالص
ومكانتش واضحة اللى لفئة معينة من البلد
السنة دى وضحت زى الشمس وبيقيت معرووووفة للكل بس اللى ينفزها صح

اما بالنسبة للكلام اللى قايلة ايمن بيحصل اكتر مما يتخيلة اى شخص داخل العملية الدارسية

تاريخ التسجيل : 22/05/2012

ابو يحيي كتب:: عارف يا أبو مروان انا معاك في كل كلمة بسم الله ما شاء الله عليك ردك ، رد انسان فاهم
وفاهم دي كلمة قليلة عليك ، وتستاهل تكون عالم من ظهر عالم وربنا يبارك
لك في كل قرش تاخدة من عملك ،
فعلاًجزء كبير من المستوي المتدني يقع علي عاتق الطالب وعدم احساسه بالمسئوليه لو الطالب عايز يفهم هيحاول يفهم وهيجبر معدومي الضمير من المدرسين علي الشرح ، ونتمني من الله ان يكون ما حدث في هذا العام درس للإصلاح في الأعوام القادمة لكل مقصر سواء ان كان من المدرسين او من اولياء الامور اوالطلبة

تسلم ابو يحيى والكلام والله اللى بتقولوا دة كتيير
وربنا يديك الصحة وترجع بالف سلامة ان شاء الله
والله الواحد الكلام اللى جواه كتير بالنسبة للدراسة واللى بيحصل فيها .
انا ليا 4 سنين بشتغل عملية التدريس نفسى فى حاجة واحدة تحصل واتمنى انها تحصل وحاولنا فيها السنة دى والحمد لله حصلت
هى انة يكون فية رابط بين المدرسة وولى الامر او المنزل بالعموم . بمعنى حد من البيت يسال عن الطالب ولو مرة فى الشهر .
عارف معنى انة ولى امر يدخل عليك الفصل ويبقى مش عارف ابنة فى سنة كام بتحسسك انت بالعجز "واحد مش بيسال فى عيالة اسال انا فيهم "
انت عارف ولى الامر لو يدخل على المدرس فى الفصل ويساله عن حال ابنة او اخية اومهما كانت القرابة دة حافز كبير جدا للطالب وسط التلميذ واهتمام للمدرس لكى يراعى عملة

اما بالنسبة لكلام ابوحازم الكلام دة صح فعلا زمااان كان فية تقدير واحترام من الطالب للمدرس مهما كان وكان فى دافع من ولى الامر للتعليم ومن الطالب ايضا كان المدرس يوم ما يضرب الطالب يكسرة ويقول لية هات ولى امرك ويروح ولى الامر لكى يعتذر للمدرس حاليا العكس . المدرس بيشتم ويتبهدل ويجى ولى الامر ومعاه باقى العيلة لكى ياخدوا حق الواد اللى ضربة المدرس .
وطبعا فى حكاية المجاملات ايام الامتحانات من فلان وعلان يمكن اكتر حاجة حاليا بقيت مشهورة عندينا فى البلد وفى التعليم الازهرى بالخصوص

تاريخ التسجيل : 12/10/2010

[color =indigo] للمره التانيه اشكر عمى ابو يحيى
على طرحه الموضوع الهام والمهم فى نفس الوقت
كما اشكر اخى وصديقى ابو مروان على رده وسعة صدره
وشرح الموضوع من وجهة نظر المدرس
كما اشكر كل الاخوه الذين ادلو بدلوهم فى الموضوع الاستاذ ايمن التمن
الاستاذ ابو حازم
والله يا ابو حازم كلامك صح الايام دى
بقية صعبه على اولياء الامور اللى كل همهم ان اولادهم
يخلصو الدراسه عشان يرتاحو من هم الدراسه ومصاريفها
اخى ابو مروان انت جبت من الاخر لما قلت التعليم فى
المعاهد الازهريه فاشل
ودى كانت غلطه غلطها انى دخلت بنتى المعهد
وكان كل الاملى انها تتعلم امور دينها كويس وتطلع منه انسانه فاهمه الحياه
والدين ازاى ولكن للاسف يلا خليها تخلص الفتره بتاعت البلد وخلاص انما بقيه الاولاد
ان شاء الله هدخلهم المدارس وربنا يوفق كل الطلاب
[/color]

تاريخ التسجيل : 02/04/2010

يا جماعة كلمة تعليم الأزهر فاشل دي كلمة قاسية وصعبة وتعميمها علي الكل حكم ظالم ، وكي لا ننسي انه يوجد من خريجي الأزهر نماذج مشرفة بكل المقاييس ، خرجت من مهعد بني حميـل منهم أساتذة الجامعة والأطباء والمهندسين والمعلمين والمشايخ ، ممكن يكون اتنين اخوات في المعهد الأصغر يسبق أخاه الأكبر، طيب مين السبب ؟ طبعاً ده بلا شك مسؤولية الاسرة ، اما عن كلام أبو حازم : المدرس يشوف الطالب يتهرب منة علشان ما يهزرش معاه ده عيب المدرس ، المفروض المدرس يكون قريب من الطالب ولكن في خط أحمر لايجب علي الطالب تجاوزه الأستاذ أستاذ ، نحن لا ننكر ان هناك تقصيرمن البعض واهمال وكل واحد يتحمل جزء الاسرة والطالب والمعلم ،
والتقصير ده موجود في كل الأماكن سوء التعليم الأزهري او التربية والتعليم ولكن المسألة نسبية ،
وبعدين يا نصر الدين : لوهنحمل المعهد وحدة المسؤولية ،المعهد هو هو اللي طلع منه شريف وبهاء وانت عارف مستواهم كان اية ، ولو كان همك فعلاً ان اولادك يخلصوا وترتاح من مصاريفهم ولو اي واحد فكر تفكيرك بالشكل ده اولادهم صدقنى مش هيروحوا بعيد اخرهم مدرسة التجارة عند أبو حمادة

تاريخ التسجيل : 19/05/2012

سؤال للاخ الاستاذ محمد عبده هل يا تري من وجهة نظرك لو لم يحدث غش وفوضي في معهد بني حميل للبنات علمي فتيات؟؟ اشطر بنت تاخد كام في المية من وجهة نظرك في ظل المستوي السيئ للتعليم الازهري

تاريخ التسجيل : 26/12/2010

ممكن واحدة او اتنين