الحمار والشيطان

تاريخ التسجيل : 26/12/2010

قال الشيطان شيييييي قال الحمار يييسس

سمع الحمار واحتار مين ياتري بيهمس

قال الشيطان دا أنا حظك بقي كويس

لقيت صديق ينصحك وحيعملك ريس

نزل حمولك وانتبه وبصلي كويس

فرك الحمارعينيه وقال ياواد يابهييم

تكونش ليلة امبارح تقلت البرسيم

يا دي النهار لغبر استر يارب كريم

قال الشيطان ياعبيط تتخض مني اذاي

دانا جاي جايب الخير والسعد جاي وراي

بس انت خليك معاي وحتشوف هناك ويياي

قال الحمار اذااااااااااااااااااااااااااااااااااااي

قالوا شايفك بقالي سنين شايل ورايح جاي

لا قلت يوم تعبان ولا يوم نطقت الأي

ساكت علي كل دة لمين وليه واذاي

انت مكانك ياصاحبي فقصر فخم وهاي

تقعد ف كرسي كبير تضحك وتشرب شاي

وتبقي يس بردون وتبقي شي باي باي

هرش الحمار راسه وقال كلام معقول

ماعيش ليه بالعرض واسيب لغيري الطول

ماكونش ليه ناصح وبنفسي أكون مشغول

اذاي رضيت بالحال أصبر وغيري ينول

اشمعني أعيش عالتبن وغيري شبعان فول

مع اني أحق منه وبطاقتي أهه بتقول

حمار مصري حصاوي متزوج ويعول

فشرع مين أتظلم وأعيش فقير مزلول

وساعتها قام الشيطان نادي وقال ياحمار

يابن الحمار يالي جدك كان حمار

يالي الطريق شغلتك وهوايتك المشوار

قلبت حالك وعقلك من كلمتين اندار

طب ماأنت طول عمرك شغال يوماتي حمار

راضي بقليلك وحابب الحمل والمشوار

شايل هم الغريب قبل القريب والجار

لاكنت يوم خاين ولا كنت يوم غدار

دا الصبر هوه طريقك وهوه عكازك

اسند عليه واشتد واياك فيوم تنهار

وادعي وقول يارب يكفيني م الدنيا

رضاك وراحة البال بره وجوه الدار

دي راحة البال ياصاحبي ولو رغيفك حاف

أطعم كتير م الهم ولو معاه كفيييييييييار

هز الحمار راسه وقال بصوت موجوع

وعيون ماليها الندم ومغرقاها دموع

والله كلامك حكم ياعم ياطيب نجاني م السكه

الي مامنها رجوع خلاني أشوف ف الشقي

معني الوجود ليه وأدوق حلاوة لقمتي

من بعد طول الجوع كمل جميلك

وحمل عليه شيلني خليني أكمل طريقي

الي ماعنه رجوع وكفايا دمع الندم

عالخد يشهدلك اني بقيت م اليوم حمار جديد م النوع

ضحك الشيطان وقال بس أوعي يوم يا حمار صاحبنا

يضحك عليك ويأكلك كفيار هز الحمار راسه

وبص للسكه مسح الدموع وابتسم

وكمل المشوار