| تاريخ كتابة المُساهمة  الخميس مايو 03, 2012 1:30 am | |
 | سكت الكلام
سكت الكلام
والبلطجيه اتكلمت
شَدوا اللجام
وعروستي بِكر اترملت
سكت الكلام
فـزاد الحداد
وكسينا باقي الامهات
لون السواد
والتربه قايمه تشتكي
عماله تصرخ للقدر
دم العيال ليه اتهدر
ودم العجاييز ف التلاجات
يا مركب التوابيت
حملتي بزياده
ماتنزلي كام صبي
وتشيلي ابو بياده
اكمنه يعني صبي
وحالف بدين النبي
يركب قطر السعاده
لكن الميعاد كان بدري
وعشان القطر فاته
طلع شهادة وفاته
من قبل سن البطاقه
العبره بالي ابتدي
طب هو مين البادي
وليه الغلط بقي عادي
عادي جدا تنزل تثور
فـ وش حاكم ديكتاتور
فـاتفوز بجايزة أكبر عميل
عادي جدا بيع القضيه
بكرسي أخضر جوه التكيه
وينيمونا ببيان هزيل
يا مكلبشين فـ الكراسي
اصحوا صباح الفل
الكرسي سيف مسنون
لامس رقاب الكل
احترت اشتكي منكم
ولا اشتكي ليكم
دي الشكوي لغير الله
عدت حدود الذل
[/b]
لــِ أحمد عبده[/b]
[ندعوك للتسجيل في المنتدى أو التعريف بنفسك لمعاينة هذه الصورة]
|
|
| | تاريخ كتابة المُساهمة الخميس مايو 03, 2012 3:49 am | |
| رد: سكت الكلام
|
|
| |
| |
العضو المميز
عضو مميز
