| تاريخ كتابة المُساهمة  الثلاثاء أبريل 10, 2012 3:33 pm | |
 | نهايتكو فى التحرير
نهايتكوا ف التحرير......!!
السر فى المناخير
وف مجلس الطراطير
بلكيمى ولا كتاتنى
مبقتش فارقة كتير
اخوانجى زى السلفى
لعبة دقون و زبيبة
واللى اساءوا لشرفى
طلعوا عيال حبيبة
طلعوا عيال حريفة
ف النصب والتزوير
واللعب بالتحرير...........
لما يجيلهم شوق يبقوا
قوام ثوار
وف ثانية لما تروق ارجع
قوام ع الدار
وياريتها جت على كده
دول هزقوا الثوار
قالوا وقالوا عليهم مفضالش
الا كمان يقولوا
دول كفار.................
واهى فعلا المناخير
محتاجة للتصغير
محشورة ليه ف حياتنا
وف اتفه التفاصيل
عايزة كمان تبعدنا عن
لجنة الدساتير
مستكترينها علينا نختار
بأيدنا مصير
حرية قال وعدالة وانا لسه
برضه اسير
لنفس ذات العقول وطريقة
التفكير
كتاتنى هو سرور وحسنى هو
المشير
وانا اللى دمى ف الميدان مغرق
التحرير
طلعت خاين عميل وبقيت انا
الشرير..............
بصوا يا اخوانجية
وانتوا يا سلفيين
الثورة راجعة وجاية
وانتوا اللى مش فاهمين
اشوفكوا بقى ع خير
يا مجلس الطراطير
مش الميدان مبتداكم
ومنه جه التغيير
والله بتحداكم
نهايتكوا ف التحرير
نهايتكوا ف التحرير.........!! ممكن لاااااااااااااااااايك
|
|
| |
| | تاريخ كتابة المُساهمة الثلاثاء أبريل 10, 2012 9:40 pm | |
| رد: نهايتكو فى التحرير
قلك مرة شعب قام بثورة
ونزلوا القون فى الاخر ورثوها
عجبى على بلدى
الاخوان لا مبدا لهم
الحزب الوطنى الجديد
تسلم ايدك يا مغامر
جميلة ومعبرة والله
|
|
| | تاريخ كتابة المُساهمة الأربعاء أبريل 11, 2012 12:40 pm | |
| رد: نهايتكو فى التحرير
هههههههههههههه
يسلمو الايادى رائع
|
|
العضو المميز
