| تاريخ كتابة المُساهمة  الخميس مارس 01, 2012 12:10 pm | |
 | الثورة فين
الثـــــــــــــوره فـــين ؟
*************
ــــــــــــــــــــــــــــــ
ــــــــــــــــــــ
الثوره مين ؟..الثوره فين ؟
الثـــــوره ..بـــح !!
والحق مين .؟ الحق فين ؟
الحــــق بـــــــح !!
واللى علا بصوت الحياه
والى اتى بطوق النجاه
وسط الميادين اندبح .!!
والعدل راح ...العدل ساح
العدل ..شـــح
والثوره فين ؟؟..الثوره بـــح
************
2 ـ كل الجناين نورت وقت الخروج
متلفحه بصوت الآدان
متعكزه على درس فى الانجيل .
وفى التوراه.وفى سفر الخروج
متونسه بصوت البلابل
فى المصانع والشوارع والمروج
ماهمهاش رخات موات
ولاهزهاش اعصار فى موج
شدت رحالها للسما
بتغنى اروع ملحمه
لكنها..
مالقيتش غيرالشر بالبهتان نضح
ووشوش بتلبس اى لون
من قوس قزح
وغل فرسان الكلام ..ملك الزمام
والدور ..وضح
والثوره مين ..الثوره فين.الثوره بـح
**************
3 ـالسكه ليه
صبحت كئيبه.معتمه ؟
والغنوه من كتر الآلم صبحت نشاز
وسط الدروب المبهمه
والكل تاه ..
والكدب مد وطال مداه
وماعدش غير الطبالين
والمغرورين
وناس بتنده {ميكيافيللى} فى الصلاه
وسرها بان .وانفضح
واللى انحرف ....واللى انجرف
واللى بيلضم فى السبح
وماعدش فيه وسط الميدان
الا عزاء
مطبوع عليه صورة شـــــــــبح
والثوره ايه ؟
الثوره ليه ؟...الثوره بـــــــــــح ...........
|
|
| |
| |
| |
| |
| | تاريخ كتابة المُساهمة الخميس مارس 01, 2012 6:37 pm | |
| رد: الثورة فين
جميل من يومك يا استاذ امير سلمت يداك
|
|
العضو المميز
عضو مميز
