بلدنا على الورق

تاريخ التسجيل : 11/06/2011

كل شىء تمام ... بس عَ الورق[/b]
الأمن مستتب وسايد النظام ... برضه عَ الورق[/b]

على الرغيف طوابير[/b]
يحـتار فيها الفـقـيـر[/b]
وبلـدنا خـيرها كتير[/b]
ما شـفـنـا منه بشـير[/b]
غير بس فى التقارير وأهـو كله عَ الورق[/b]
الناس أكيد سعيدة ... بس عَ الورق[/b]

مدارسـنا مالـيانه [/b]
طلاب وزهـقـانه[/b]
من بكره قـلقـانه[/b]
وأسـاتذه تعـبانه[/b]
محـتاجـه لإعـانه[/b]
تعـليمنـا بـأمانه ... يـادوب على الورق[/b]
مدارسـنا دى منـاره ... بس عَ الورق[/b]

مصـالحـنا موقـوفـه[/b]
على رشـوه موصـوفه[/b]
تنجـزلك الأعمال[/b]
وتصـلّح الأحـوال[/b]
وضميـرنا عـال العـال ... بس عَ الورق[/b]

ظابط ومتظبط[/b]
فى الخلق بيربط[/b]
ويجرجر الأغـنام[/b]
على حفله فى الأقسـام[/b]
شـلاليت على أقـلام[/b]
تجـيب وراك قـدام[/b]
الحُـر ليـه ينضـام ... فى الحق لو نطـق[/b]
وأهـو كله فى التمام ... بس عَ الورق[/b]

لعيب وبيطبش[/b]
لكنه جاب كام جون ... يكبش فلوس بالكوم[/b]
ومغنى بيسرسع[/b]
واقف بيتمرقع ... نعتبره نجـم نجـوم[/b]
أما العلوم والأدب[/b]
فصاحبها ياللعجـب ... يادوب ستراه الهدوم[/b]
طاوى المرار جـواه ... مدفون وسـط الورق[/b]
العـلم هو الجـاه ... بس عَ الورق[/b]

وعندنا وزارات[/b]
مخصوصه للباشوات[/b]
مشغوله بالندوات[/b]
وصورتها فى الإعلام[/b]
انجازها يطلع كام؟[/b]
أصـفار ورا أصفار[/b]
بانخدها باسـتمرار[/b]
أكيد ده أى حـمـار[/b]
إذا كان فى يوم يختار[/b]
يرفض يكون زينا ... لو حتى عَ الورق[/b]
والشغل كله تمام ... بس عَ الورق[/b]

بكره التاريخ هايعدى[/b]
من عـندنـا ويهـدى[/b]
ويشوف مآسـينا[/b]
يكتب ويرثـيـنـا[/b]
بجمله واحده يادوب[/b]
على صفحـته مكتـوب:[/b]
" كان فيه هنـا دوله ... بس عَ الورق"[/b]